పరుగాపక పయనించవె తలపుల నావా.. కెరటాలకు తలవంచితె తరగదు త్రోవా.. ఎదిరించిన సుడిగాలిని జయించినావా.. మది కోరిన మధు సీమలు వరించిరావా..

15, మే 2012, మంగళవారం

జీవితాన వెలుగుందని నమ్మకాన్ని పెంచుదాం...


"వెలుగు పధకం" మహిళా సాధికారత కోసం చంద్రబాబు నాయుడు గారు ముఖ్య మంత్రిగా వున్నప్పుడు ప్రవేశ పెట్టిన పధకం. ఈ పధకం ముఖ్య ఉద్దేశ్యం గ్రామీణ ప్రాంతాలకు చెందిన నిరుపేద,పేద మహిళలను లక్షాధికారుల్ని చేయటం.. మహిళలను స్వయం సహాయక సంఘాలుగా, "సెల్ఫ్ హెల్ప్ గ్రూప్స్ (SHG)" గా ఏర్పాటు చేసి,వాళ్లతో డబ్బులు పొదుపు చేయించి,కొంత బాంక్ ల ద్వారా అప్పు ఇప్పించి ఆ డబ్బుతో మహిళలకు స్వయం ఉపాధి కల్పించటం ఈ పధకం లక్ష్యం. దీని కోసం జిల్లా స్థాయి నుండి,గ్రామ స్థాయి దాకా సిబ్బందిని నియమించి వాళ్ళ ద్వారా ఈ పధకాన్ని అమలు చేసే వాళ్ళు..కాంగ్రెస్ గవర్నమెంట్ వచ్చిన తర్వాత ఈ పధకం పేరు "ఇందిరా క్రాంతి పధం" గా మార్చారు.

ఇప్పుడు ఇంతకీ ఈ "వెలుగు పధకం" గురించి ఎందుకు చెప్తున్నానంటే ఈ ప్రాజెక్ట్ లో కొన్ని ప్రత్యేకతలు వున్నాయి...
మహిళలను మోటివేట్ చేస్తూ,వాళ్ళు సాధికారత సాధించేలా ప్రోత్సహించే పనిలో భాగం గా వాళ్లకి కొన్ని trainings నిర్వహిస్తారు. ఈ ట్రైనింగ్ క్లాసెస్ లో మొదటిది వాళ్లకు ఒక ప్రార్ధనా గీతం వుంటుంది. ఆ పాటను ఈ ప్రాజెక్ట్ CEO స్వయంగా రచించి,రూపకల్పన చేశారట. ఈ ప్రాజెక్ట్ ద్వారా వాళ్ళు ఎంతవరకు అనుకున్న లక్ష్యాన్ని సాధించారో, ఎంతమంది మహిళలు లక్షాధికారులు అయ్యారో తెలియదు కానీ... నాకు మాత్రం "వెలుగు ప్రార్ధనాగీతం "గా వాళ్ళు పిలుచుకునే ఇన్స్పిరేషన్ సాంగ్ చాలా నచ్చింది..

ఈ పాట నాకు ఈ వెలుగు ప్రాజెక్ట్ లో APM గా వర్క్ చేస్తున్న నా ఫ్రెండ్ ద్వారా తెలిసింది..
నా చిన్ని ప్రపంచం లో "ఇన్స్పిరేషన్ సాంగ్స్ కలెక్షన్" లో యాడ్ చేయాలనిపించింది..


జీవితాన వెలుగుందని నమ్మకాన్ని పెంచుదాం
స్వర్గమన్నదెక్కడున్నా నేలపైకి దించుదాం
జీవితాన వెలుగుందని నమ్మకాన్ని పెంచుదాం
స్వర్గమన్నదెక్కడున్నా నేలపైకి దించుదాం

గగనమెంత వురిమినా గిరికి చలనముండునా
గంగ పొంగిపొరలినా నేల భీతి చెందునా
ఆత్మబలం కూడగట్టి ... ఆకశాన్ని వంచుదాం
స్వర్గమన్నదెక్కడున్నా నేలపైకి దించుదాం

జీవితాన వెలుగుందని నమ్మకాన్ని పెంచుదాం
స్వర్గమన్నదెక్కడున్నా నేలపైకి దించుదాం

ఆకులన్నీ రాలినా వేసవి వెంటాడినా
చినుకు రాలకుండునా చిగురు వేయకుండునా
ఆశయాల నీరు పోసి ఆశలన్నీ పెంచుదాం
స్వర్గమన్నదెక్కడున్నా నేలపైకి దించుదాం

పేదరికం కసిరినా పెనుచీకటి ముసిరినా
వేలజనం మేలుకుంటే వేకువ రాకుండునా
అందుకున్న విజయాలను అందరికీ పంచుదాం
స్వర్గమన్నదెక్కడున్నా నేలపైకి దించుదాం

జీవితాన వెలుగుందని నమ్మకాన్ని పెంచుదాం
స్వర్గమన్నదెక్కడున్నా నేలపైకి దించుదాం



8 కామెంట్‌లు:

వనజ తాతినేని/VanajaTatineni చెప్పారు...

wow ..awesome ! గుడ్ పోస్ట్. ఇన్స్పిరేషన్ పోస్ట్. థాంక్ యు వేరి మచ్...... రాజీ గారు.

జలతారు వెన్నెల చెప్పారు...

ఎంత వరకు ఈ పధకం విజయవంతం అయ్యిందండి రాజిగారు? Out of curiosity అడుగుతున్నాను. పాట బాగుంది.

Unknown చెప్పారు...

ఈ గీతం లిరిక్ చాలా inspiring గా ఉంది. మంచి గీతం తెలియజేశారు.

రాజ్యలక్ష్మి.N చెప్పారు...

వనజవనమాలి గారూ.. ఈ పోస్ట్ నచ్చినందుకు థాంక్సండీ.. మీకు రూరల్ ఏరియా తో పరిచయం వుంటే ఈ పధకం గురించి తెలిసే వుండొచ్చేమో..

రాజ్యలక్ష్మి.N చెప్పారు...

జలతారువెన్నెల గారూ..
ఈ పధకం విజయవంతం అంటే ఆడవాళ్ళు లక్షాధికారులు అయ్యిందీ లేందీ తెలియదు కానీ ఈ గ్రూప్ ఆడవాళ్ళు PG లు చేసిన ఉద్యోగస్తుల్ని కూడా వాళ్ళ చెప్పుచేతల్లో పెట్టుకుని,వాళ్ళు,వీళ్ళు కలిసి చెసే స్కాము లైతే చాలా తెలిశాయండీ.. అంటే బాంక్ ఆవులు కొని,పాలతో బిజినెస్ చేయమంటే కొన్నట్లుగా వాళ్ళ దగ్గర వున్న పాత వాటినే చూపించి,డబ్బు ఆ గ్రూప్ లో అందరూ కలిసి పంచుకుని, వాడుకోవటం అలాంటివి ఎక్కువగా జరిగాయి అంటారు..

ఈ విషయం అందరికీ తెలిసినా ఎవరి స్వార్ధం వాళ్ళదే.. నాకు తెలిసి అనుకున్న లక్ష్యాలు నిజంగా సాధించలేదు ఈ ప్రాజెక్ట్.. ఇది కూడా నేను నా ఫ్రెండ్ ద్వారా తెలుసుకున్నదే..

నాకు ఈ ప్రాజెక్ట్ లో నచ్చింది ఈ పాట మాత్రమే :) మీకు నచ్చినందుకు థాంక్సండీ..

రాజ్యలక్ష్మి.N చెప్పారు...

చిన్ని ఆశ గారూ ..
నాకు కూడా ఈ పాట లిరిక్స్ నచ్చాయండీ అందుకే పోస్ట్ చేయాలనిపించింది..
ఆడియో కోసం ట్రై చేస్తున్నాను ఇప్పుడు..
పాట మీకు నచ్చినందుకు థాంక్సండీ..

శశి కళ చెప్పారు...

చాలా చక్కగా ఉంది పాత.ఎందుకని మనది కాదు అంటే గమనించం కానీ యెంత అర్ధం ఉంది.మంచి కలక్షన్

రాజ్యలక్ష్మి.N చెప్పారు...

శశికళ గారూ.. నిజమే మనకి సంబంధం లేదు అంటే దాని గురించి అంతగా పట్టించుకోము..
ఈ పాటలో నిజంగా మంచి అర్ధం వుంది అందుకే పోస్ట్ చేశాను.. నా ప్రయత్నం నచ్చినందుకు థాంక్సండీ..

Related Posts Plugin for WordPress, Blogger...