పరుగాపక పయనించవె తలపుల నావా.. కెరటాలకు తలవంచితె తరగదు త్రోవా.. ఎదిరించిన సుడిగాలిని జయించినావా.. మది కోరిన మధు సీమలు వరించిరావా..

26, డిసెంబర్ 2010, ఆదివారం

Last sunday of 2010


Today is the last Sunday of 2010.

Goodnight to the Last Sunday
Of The last Week

Of The last Month
Of This Year 2010.

25, డిసెంబర్ 2010, శనివారం

క్రిస్మస్ శుభాకాంక్షలు...


క్రిస్మస్ అనగానే నాకు గుర్తొచ్చేది నా స్కూల్ డేస్.చిన్నప్పటినుండి నేను,తమ్ముడు, చెల్లి అందరం చదువుకుంది st'anns school కావటంతో ప్రతి సంవత్సరం క్రిస్మస్ మేము కూడా school లో సెలెబ్రేట్ చేసుకునేవాళ్లము.
క్రిస్మస్ కి 10 రోజులకి ముందే Half-yearly ఎగ్జామ్స్ అయిపోగానే మా school లో క్రిస్మస్ సెలెబ్రేట్ చేసి,
పిల్లలతో క్రిస్మస్ నాటకాలు వేయించి,అప్పటి నుండి jan 1 వరకు సెలవులు ఇచ్చేవాళ్ళు.
మాకు సంవత్సరం లో ఎక్కువ సెలవలు వచ్చే పండగ క్రిస్మస్ కాబట్టి ఈ పండుగ కోసం వెయిట్ చేసేవాళ్ళం అప్పట్లో.

స్కూల్లో క్రీస్తుజననం సెట్టింగ్ నాకు చాలా నచ్చేది.చిన్న పాక,పాకలో చిన్ని,చిన్ని దేవదూతలు,క్రీస్తు,మరియమ్మ బొమ్మలతో ఆ సెట్టింగ్ అంతా చూడ ముచ్చటగా వుండేది.
మిలమిల మెరిసే స్టార్స్ తో,గ్రీటింగ్ కార్డ్స్ తో క్రిస్మస్ ornaments తో అందమైన క్రిస్మస్ tree ఈ వేడుకల్లో ప్రత్యేక ఆకర్షణగా వుండేది.





ఈ పండగ జరుపుకునే అందరికీ 
క్రిస్మస్ శుభాకాంక్షలు...





20, డిసెంబర్ 2010, సోమవారం

ధనుర్మాసం.


ధనుర్మాసం మొదలయ్యింది.విష్ణుమూర్తికి అత్యంత ప్రీతికరమైనది ధనుర్మాసం.
ఈధనుర్మాసం నెలరోజులు వెంకటేశ్వరస్వామికి సేవలో గోదాదేవి పాడిన 30 పాశురాలను పాడతారు
విష్ణు పూజకి ప్రాధాన్యమైన ఈ నెలలో పూజలకే కాకుండా ఎన్నో సరదాలు,సందళ్ళు కూడా వుంటాయి.




ధనుర్మాసం మొదలవగానే ప్రతి ఇంటి ముందు రంగురంగుల రంగవల్లులు కనిపిస్తాయి.
తూర్పు తెలవారకముందే ఎంతో శ్రమతో ఇంతులు తీర్చిదిద్దిన రంగవల్లులు స్వాగతం పలుకుతాయి.
ఎంత చదువుకున్నా,కాలం మారినా మన రంగవల్లుల సంప్రదాయాన్నిమాత్రం మర్చిపోలేము.
ధనుర్మాసం మొదలవగానే ఇంటి ముందు మంచి ముగ్గు వేయాలన్న కోరిక ప్రతి అమ్మాయికి కలుగుతుందేమో...

dec 16 నుండి సంక్రాంతి పండగ దాకా ముగ్గులు వేయటం ఆనవాయితీ దీన్నే నెలపట్టడం అంటారు.
నాకు కూడా ఈ నెలరోజులు ఇంటి ముందు ముగ్గు వేయటం చాలా సరదా..చిన్నప్పటినుండి అమ్మ,పెద్దమ్మలు వేసే ముగ్గులు పుస్తకంలో వేసుకున్నవాటితో పాటూ,కొన్ని సంవత్సరాలుగా పేపర్ లొ వచ్చే ముగ్గుల్ని కూడా దాచిపెట్టటం అలవాటయ్యింది.. అలా నా ముగ్గుల పుస్తకం నాకు ఇష్టమైనవాటిల్లో ఒకటి.





ఈ నెలలో మాత్రమే కనిపించే మరొకరు హరిదాసు.ప్రతి ఇంటికీ హరిదాసు జరీ పట్టుపంచెతో, తలపాగా చుట్టి, మెడలోబంతి పూల హారంతో , పట్టు వుత్తరీయముతో ,నుదుట హరి నామంతో,తుంబుర ఒక చేత్తో చిడతలుమరో చేత్తో పట్టుకుని తుంబుర మీటుతూ,పసుపు కుంకుమలతో,పూలతోనూ అలంకరించి గుమ్మడికాయ ఆకారంలో వుండే ఇత్తడి లేదా రాగి పాత్రను తలపై పెట్టుకుని హరినామస్మరణ చేస్తూ వచ్చే హరిదాసుకి భిక్ష వేయడానికిచిన్నప్పుడు పిల్లలమంతా పోటీ పడే వాళ్లము.
కృష్ణార్పణం అంటూ భిక్ష స్వీకరించే హరిదాసు ఆగమనం ధనుర్మాసంలో మొదలై సంక్రాంతితో ముగుస్తుంది.




గంగిరెద్దులు ధనుర్మాసంలో మరో ముఖమైన అతిథులు.రంగురంగుల బట్టలతో అలకరంచిన గంగిరెద్దులను ఆడిస్తూ,సన్నాయి ఊదుతూ ఇంటి ముందుకు వచ్చే గంగిరెద్దుల వాళ్ళని చూడటం చాలా సరదాగా వుండేది.
ఇంటి వాళ్ళు ఇచ్చే పాత బట్టలు,బియ్యం తీసుకుని అమ్మగారికి దండం పెట్టు,అయ్యగారికి దండం పెట్టు అంటూ దీవించి వెళ్తారు.


ధనుర్మాసం తీసుకువచ్చే సంబరాలలో ఇవి కొన్నిమాత్రమే ఇంకా చెప్పుకోవాల్సినవి చాలానే వున్నాయి.
ప్రస్తుతానికి ముగ్గులతో బిజీ,ముగ్గులు నేర్చుకోవటం,అందరికన్నామంచి ముగ్గు వేయాలని పోటీపడటం,
ఈ సందడి అంతా ఈ ఒక్క నెలలోనే కదా.


17, డిసెంబర్ 2010, శుక్రవారం

God's Help...

జీవితంలో అప్పుడప్పుడు మన తప్పు ఏమీ లేకపోయినా ఎన్నో మాటలు పడాల్సిరావచ్చు,
కొన్ని ఎదురుదెబ్బలు తగలవచ్చు...
ఆ పరిస్థితుల్లో ప్రతి మనిషీ దేవుడా నేను నిన్ను పూజిస్తాను,నిన్నే నమ్ముకున్నాను
కానీ ఎందుకు నన్నిలా చేస్తున్నావు అని బాధపడతారు.
నేను కూడా ఒక్కోసారి అంతే అనుకుంటాను... కానీ దేవుడు మన వెన్నంటే వుండి మనకి తగలాల్సిన
ఎంతో పెద్ద రాళ్ళని అడ్డుకుంటాడు,మనకి వచ్చే కష్టాలు చిన్న రాళ్ళు మాత్రమే
అని దేవుడి గొప్పతనాన్ని తెలిపే ఈ ForwardMail మా తమ్ముడు నిన్న నాకు పంపాడు...








దేవుడు మనం అడిగినా అడగకపోయినా ఎప్పుడూ మనల్ని కాపాడుతూనే ఉంటాడు.

15, డిసెంబర్ 2010, బుధవారం

నా చిన్నారిస్నేహం...



నిన్న మాఇంటికి అనుకోని అతిధి వచ్చింది.తను నాచిన్నప్పటి ఫ్రెండ్ రాజేశ్వరి.St'anns girls high school లో నేను 6th class లో జాయిన్ అయినప్పటినుండి తను నాకున్న ఒకే ఒక్క ఫ్రెండ్.మా స్నేహం 6th నుండి 10th వరకు ఒకే స్కూల్లో ఎంతో సరదాగా వుండేది.10th తర్వాత నేను మా వూర్లో,తను తెనాలిలో ఇంటర్ జాయిన్ అయ్యాము అయినా కొన్నాళ్ళు మా friendship కంటిన్యూ అయ్యింది.వాళ్ళ ఫామిలీ గుంటూరు షిఫ్ట్ అవ్వటం,తనకి పెళ్లి కావటం,నేను లా లో జాయిన్ అవ్వటం వీటన్నిటి తర్వాత మా స్నేహానికి పూర్తిగా బ్రేక్ పడినట్లే అయింది.

మళ్ళీ ఇన్నాళ్ళకి మా అమ్మావాళ్ళింటికి నాకోసం వచ్చిన తనని చూసి నాకు చాలా సంతోషంగా,ఆశ్చర్యంగా కూడా అనిపించింది.తను మలేషియాలో ఉంటున్నానని ,ఒక పాప అని ప్రస్తుతం వాళ్ళ అమ్మ వాళ్ళింటికి గుంటూరు వచ్చానని,ఇంకా 3,4 నెలలు ఇండియాలోనే ఉంటానని చెప్పింది.కనీసం 10 సంవత్సరాలుగా ఫోనులో కూడా మాట్లాడుకోని మేమిద్దరం మాట్లాడుకోవటానికి చాలా విషయాలు వున్నా,తను వాళ్ళ బంధువుల ఇంట్లో ఫంక్షన్ కి వెళ్ళే పని ఉండటంతో మళ్ళీ కలుద్దామని అనుకున్నాము.సృష్టిలోమధురమైనది,జీవితంలో మరువలేనిది స్నేహం అని ఇలాంటి సందర్భాల్లోనే అనిపిస్తుందేమో...



20, నవంబర్ 2010, శనివారం

బాపూ బొమ్మలు...

బాపు తెలుగు సినీప్రపంచంలో తనకంటూ చెరగని ముద్రవేసిన బహుముఖ ప్రజ్ఞాశాలి.
ఈయన గీసిన బొమ్మని సంతకం లేకపోయినా,తీసిన సినిమాలో దర్శకుడిగా ఈయన పేరు చూడకపోయినా ఇది గీసింది,తీసింది బాపూ అని గుర్తించగలిగే శైలి ఈయన సొంతం.
బాపూ అచ్చతెలుగు సినిమాలు సాధారణ కుటుంబాలలోని సమస్యలు,భార్యాభర్తల అన్యోన్యత, కుటుంబసభ్యుల మధ్యసంబంధాలను,ఎంతో చక్కగా ప్రతిబింబిస్తాయి.

బాపు సినిమాల్లో మరొక ముఖ్యమైన అంశం కధానాయిక.ఉన్నతమైన వ్యక్తిత్వం కలిగిన,తెలుగు సంప్రదాయం ఉట్టిపడే నాయిక బాపు సినిమాల్లో ప్రధాన ఆకర్షణ.

అందంగా వున్న అమ్మాయిని ఎవర్ని చూసినా బాపుబొమ్మతో పోల్చటం బాపుబొమ్మ గొప్పతనం.

బాపు గురించి ఆరుద్ర గారు రాసిన కవిత...

కొంటెబొమ్మల బాపు
కొన్ని తరముల సేపు
గుండె
ఊయలలూపు
కూనలమ్మా!

బాపు సినిమాల్లోని కొందరు బాపుబొమ్మలు నాకు చాలా ఇష్టం..

ముత్యాలముగ్గు ...సంగీత.


ఏదో ఏదో అన్నది మసక వెలుతురూ...
గూటిపడవలో
వున్నది కొత్త పెళ్ళికూతురు
ఒదిగి
ఒదిగి కూర్చుంది బిడియపడే వయ్యారం
ముడుచుకునే
కొలదీ మరీ మిడిసిపడే సింగారం...




మిష్టర్ పెళ్ళాం...ఆమని


సొగసు చూడతరమా..నీ సొగసు చూడతరమా
నీ
సొగసు చూడతరమా...
నీ
ఆపసోపాలు..నీ తీపిశాపాలు
ఎర్రన్ని
కోపాలు ఎన్నెల్లో దీపాలు అందమే సుమా..
సొగసు
చూడతరమా...నీ సొగసు చూడతరమా...




పెళ్ళిపుస్తకం...దివ్యవాణి.


సరికొత్త చీర ఊహించినాను సరదాల సరిగంచు నేయించినాను
మనసుమమత పడుగుపేక చీరలో చిత్రించినాను
ఇది ఎన్నో కలల కలనేత నా వన్నెలరాశికి సిరిజోత
నా వన్నెలరాశికి సిరిజోత




రాధాగోపాలం...స్నేహ.


మా ముద్దు రాధమ్మ రాగాలే
మువ్వగోపాల గీతాలు
చెయ్యి చెయ్యి తాళాలు అనురాగాలలో గట్టి మేళాలు
మా
ముద్దు రాధమ్మ రాగాలే......




సుందరకాండ...ఛార్మి.


ఏలో ఏలో ఉయ్యాల ఏడేడు రంగుల ఉయ్యాల
ఎదిగే
వయసుల ఉయ్యాల...
ఎగిరే
పైటల ఉయ్యాల
ఏలో
ఏలో ఉయ్యాల ఏడేడు రంగుల ఉయ్యాల


10, నవంబర్ 2010, బుధవారం

కార్తీకమాసం....




సంవత్సరం అంతటిలో నాకు చాలా ఇష్టమైన నెల కార్తీక మాసం
దానికి చాలా కారణాలు వున్నాయి....

మొదటి కారణం నేను పుట్టిన నెల,
కార్తీకమాసం లో తెల్లవారుజామున చలిలో స్నానాలు,పూజలు,
మా పెద్దమ్మ,అత్తా వాళ్లాతో వెళ్ళే వనభోజనాలు,
మా అమ్మ,నాన్న చేసే కేదారీశ్వరవ్రతం ,
అన్నిటికంటే ముఖ్యంగా ఈ నెలలో కేదారీశ్వరవ్రతం ముందు మేము తప్పకుండా వెళ్ళే శ్రీశైలం టూర్,
పౌర్ణమి రోజున వెలిగించటానికి రోజంతా కూర్చుని తయారుచేసుకునే వత్తులు,
ఇవన్నీ ఈ నెలని చాలా హడావుడిగా,ఆనందంగా గడచిపోయేలా చేస్తాయి.

కార్తీకమాసం రాగానే నాకు నా చిన్నిప్రపంచంలోని నా వాళ్ళే కాదు మా బంధువులు కూడా గుర్తుకొస్తారు
మా ఇళ్ళల్లో కార్తీకమాసం సందడి అంతా మా అమ్మమ్మదే వుండేది.
తెల్లవారుజామున లేచి మా పెద్దమ్మ,పిన్ని,అత్త అందర్నీ లేపి చివరిగా మా ఇంటికి వచ్చేది.
అమ్మమ్మ పిలుపుతో విసుక్కుంటూనే లేచినా వెంటనే స్నానం విషయం గుర్తుకు వచ్చి సరదాగా వుండేది.
మా ఇంట్లో మోటర్ వేసుకుని స్నానం చేసి,అక్కడే గంగమ్మకి పూజ చేసి,ఏదో ఒక గుడికి వెళ్లి వచ్చేది.
మధ్యానానికి కార్తీక పురాణం పుస్తకం పట్టుకుని నా దగ్గర చేరేది.
మాఅమ్మ కదూ నువ్వైతే చదువుతావమ్మా ఇంకెవరూ నా మాట వినరు
చదివి వినిపించు అంటూ నా దగ్గర కూర్చుని నేను చదివితే వినేది.
ఎప్పుడైనా మిస్ అయితే అన్నీ కలిపి ఒకే రోజు చదివి వినిపించేదాన్ని.


నాకు వత్తులు చెయ్యటం నేర్పింది కూడా మా అమ్మమ్మే..
కార్తీకమాసం మొదలు కాకముందే పత్తిలో గింజలు తీసి వేసి,
ఆ పత్తిని సన్నని దారాలుగా లాగుతూ వత్తులు తయారు చేయటం చాలా సరదాగా వుండేది.
ఇక శ్రీశైలం టూర్ అంటే మేము, మా మామయ్య ఫ్యామిలీ ,
పెద్దమ్మల ఫామిలీ ,పిన్నీ వాళ్ళ ఫ్యామిలీ అంతా బయలుదేరేవాళ్ళము.
ఒక టూరిస్ట్ బస్సులో వెళ్ళే యాత్రికులంత వుండేది
మా బంధుగణం అంతా కలిసి...


ఇక కార్తీకమాసం వనభోజనాలు,నదిలో దీపాలు వదలటం ఇవన్నీ
మా అమ్మకి అంతగా ఇష్టం వుండదు.ఇంట్లోనే పూజ చేసుకుంటాను అంటుంది.
మా పెద్దమ్మ,అత్త,నన్ను పిలుచుకుని వెళ్ళేవాళ్ళు..
అందుకే వీటన్నిటికీ మా ఇంటి తరపున పెద్దమనిషిని నేనే అప్పట్లో...


ఇక కార్తీక పౌర్ణమిరోజు మా అమ్మమ్మ సంతానంలో మా అమ్మ,మామయ్య మాత్రమే కేదారీశ్వర వ్రతం చేసుకుంటారు.
ఒకే రోజు ఇద్దరి ఇళ్ళల్లో వ్రతం కావటంతో మా బంధువులందరూ పూజకి
ఎవరింటికి వెళ్ళాలనే విషయంలో ధర్మసంకటంలో పడేవాళ్ళు.
ఎలాగోలా ఇద్దరు ఇళ్ళకు వెళ్లి,తీర్ధప్రసాదాలు తీసుకుని,భోజనం మాత్రం అక్కడ కొందరు,ఇక్కడ కొందరు చేసే వాళ్ళు.
నేను డిగ్రీ చదివే రోజుల వరకు కార్తీక మాసం అంతా దాదాపు ఇలాగే గడచిపోయింది.
కానీ కాలానుగుణంగా కొన్ని మార్పులు తప్పవు కదా..
ప్రస్తుతం ఎవరి కుటుంబం వారిదే..ఎవరి పూజలు వాళ్ళవే...ఎవరి వ్రతాలూ వాళ్ళవే...
ఏది ఏమైనా మళ్ళీ కార్తీకమాసం వచ్చింది పూజల సందడి మొదలయింది...
పోయిన సంవత్సరం నాకు పెళ్లి కాగానే అమ్మ మాతో కూడా ఈవ్రతం చేయించింది.
అందుకే ఈ సంవత్సరం వత్తులు చేసుకోవాలి,
రోజూ దీపారాధన చేసుకోవాలి,మేము,అమ్మవాళ్ళు
వ్రతం చేసుకోవాలి.... ఎన్ని పనులో???


చిన్నప్పుడు అమ్మ నన్ను గాయనిని చేయాలని కలలు కనేది...
ఇప్పుడున్నన్ని టాలెంట్ షోలు అప్పట్లో వుండి వుంటే...
నేను ఖచ్చితంగా సింగర్ అయ్యి వుండేదాన్ని...[ఇది నా ఫీలింగ్]
అమ్మ నాతో పాటలు పాడించి టేప్ రికార్డర్లో రికార్డ్ చేసేది.
అందులో భాగంగా అమ్మ నాకు నేర్పిన ఒక పాట నేను ఇప్పటికీ మర్చిపోలేదు.
నా మనసులో చెరగని ముద్ర వేసిన ఈ పాట నాకు చాలా ఇష్టం...

శ్రీశైలవాసా శ్రితా భక్తపోషా
భ్రమరాంబికా ధీశా భవనాశా ఓ మహేశా
మల్లికార్జునా మనవిని వినుమా
శిఖరానికి నన్ను చేర్చుకొనుమా
శ్రీశైలవాసా శ్రితా భక్తపోషా

ఒక్క సూర్యుడు ఉదయించగనే
చిక్కటి చీకటి తొలగిపోవును
దినకోటి తేజ నిను దర్శించగ
అజ్ఞాన తిమిరమంతరించగా...
శ్రీశైలవాసా శ్రితా భక్తపోషా

కరిగే చంద్రుని కాంచినంతనే
కడలులు ఎగయు కలువలు మురియు
కరగని సోముని ధరించు నినుగని
హృదయాబ్ది పొంగగా... మధురాత్మ విరియగా...

శ్రీశైలవాసా శ్రితా భక్తపోషా
భ్రమరాంబికా దీసా భవనాశా ఓ మహేశా
మల్లికార్జునా మనవిని వినుమా
శిఖరానికి నన్ను చేర్చుకొనుమా...
శ్రీశైలవాసా శ్రితా భక్తపోషా........

5, నవంబర్ 2010, శుక్రవారం

దీపావళి శుభాకాంక్షలు...


పోయిన సంవత్సరం దీపావళి మాఅమ్మ వాళ్ళింట్లో మా మొత్తం కుటుంబం అంతా కలిసి ఆనందంగా జరుపుకున్నాము.
ఈ సంవత్సరం అమ్మ వాళ్ళింటికి వెళ్ళలేకపోయాను.
నేను పుట్టిన తర్వాత ఇప్పటి వరకు దీపావళికి మా ఇంటి దగ్గర లేకుండా వుండటం ఇదే మొదటిసారి.
పోయిన సంవత్సరం దీపావళి రోజున అనుకున్నానా... ఈ సంవత్సరం దీపావళి ఇలాజరుగుతుందని..

నా చిన్నిప్రపంచం లో అందాల ప్రమిదల
ఆనంద
జ్యోతుల ఆశలు వెలిగించు దీపాలవెల్లి;
ఆనంద
దీపావళి ఎప్పటికీ కొలువుండాలని...

శ్రీవారికి,అమ్మనాన్న,తమ్ముడుమరదలు,చెల్లి,
నా చిన్నారి మేనకోడలు దేవీ ప్రియ మీ అందరికీ
నా హృదయపూర్వక దీపావళి శుభాకాంక్షలు.
బ్లాగ్ మిత్రులందరికీ దీపావళి శుభాకాంక్షలు.



17, అక్టోబర్ 2010, ఆదివారం

శ్రీ రాజరాజేశ్వరీదేవి - విజయదశమి .


శ్రీ రాజరాజేశ్వరీదేవి - విజయదశమి.17-10-10






16, అక్టోబర్ 2010, శనివారం

శ్రీ మహిషాసురమర్దనీ- దేవిమహర్నవమి


శ్రీ మహిషాసురమర్దనీ దేవి-మహర్నవమి.16-10-10







Related Posts Plugin for WordPress, Blogger...