పరుగాపక పయనించవె తలపుల నావా.. కెరటాలకు తలవంచితె తరగదు త్రోవా.. ఎదిరించిన సుడిగాలిని జయించినావా.. మది కోరిన మధు సీమలు వరించిరావా..

1, డిసెంబర్ 2011, గురువారం

నాకు నచ్చిన సినిమా - ఆనందం


మనసుతోటి మనసునే ముడేసే మంత్రమే ప్రేమ
కళ్ళలోన కాంతులేవో నింపే క్షేత్రమా
కొత్త కొత్త ఊసులేవో నేర్పే భాష ప్రేమ
తియ్యనైన పాటలేవో పాడే రాగమీ ప్రేమ...
కరిగిపోని కలలతోటి గుండెను నింపెనీ ప్రేమ
లేనిపోని ఆశలేవో రేపే మైకమా
ప్రేమే కదా శాశ్వతం ప్రేమించటమే జీవితం
ప్రేమకే మనసు అంకితం అంకితం

ఆనందం నాకు చాలా నచ్చే సినిమా..
ఆకాష్,రేఖ,వెంకట్,తనూరాయ్ నటించిన, శ్రీను వైట్ల దర్శకత్వం వహించిన
ఈ సినిమా 28th September 2001 లో రిలీజ్ అయ్యింది.

ఈ సినిమా కధ విషయానికి వస్తే ఆకాష్ (హీరో) రేఖ ( హీరోయిన్) పక్క పక్క ఇళ్ళల్లో వుంటూ,
ఒకే కాలేజ్ లో చదువుతుంటారు.కానీ ఇద్దరికీ ఒకరంటే ఒకరికి ద్వేషం ,కోపంతో
ఎప్పుడు గొడవలు పడుతూ వుంటారు..
కొన్నాళ్ళకి రేఖ తండ్రికి ట్రాన్స్ ఫర్ అవటంతో వేరే వూరికి వెళ్ళిపోతారు.

అక్కడ వాళ్ళు వెళ్ళిన ఇంట్లో అంతకు ముందు తనురాయ్ ( సెకండ్ హీరోయిన్) కుటుంబం వుండేది.
సవతి తల్లి పెట్టే బాధలు భరించలేక,తను ప్రేమించిన అబ్బాయి(వెంకట్) ఉత్తరం సరైన సమయలో అందక
ఆత్మహత్య చేసుకుంటుంది.తనురాయ్ చనిపోయిన తర్వాత వచ్చిన ఉత్తరం చూసిన రేఖ
తనూరాయ్ చనిపోయిన విషయం ఆ ప్రేమికుడికి (వెంకట్) తెలిస్తే ఏమవుతాడో అన్న బాధతో
తనే తనూరాయ్ లాగా ఉత్తరాలు రాస్తుంటుంది రేఖ.

కానీ
ఆ ఉత్తరాలు ఆకాష్ కి చేరుతుంటాయి.కారణం వెంకట్ ఆకాష్ కి క్లోజ్ ఫ్రెండ్
తనూరాయ్ తో పెళ్లి ఏర్పాట్లు చేసుకుని,తన దగ్గరికి వెళ్ళబోతున్న సమయంలో
యాక్సిడెంట్ లో చనిపోతాడు.ఈ విషయం తెలిస్తే తనూరాయ్ బ్రతకదని
వెంకట్ పేరుతో ఆకాష్ ఉత్తరాలు రాస్తుంటాడు..

అలా ఉత్తరాలు రాసుకున్న ఆకాష్,రేఖ ఒకరి కొకరు ఎదురుపడి అసలు విషయాన్ని తెలుసుకుంటారు.
తర్వాత ఇద్దరు ఎదుటి వాళ్ళ బాధను అర్ధం చేసుకునే మంచి మనసును,మానవత్వాన్ని
ఒకరిలో ఒకరు గుర్తించి,అభిమానం పెంచుకుని దెబ్బలాటలు,గొడవలు
మర్చిపోయి ఒకటవుతారు. ఇదీ కధ..
సినిమాలో హీరోలు, హీరోయిన్స్ ఇద్దరు బాగుంటారు,బాగా నటించారు.
ఇంక ఈ సినిమాలో నాకు నచ్చింది దేవిశ్రీ ప్రసాద్ సంగీతం.
పాటలు ఎన్నిసార్లు విన్నా ఇప్పటికి కూడా బోర్ అనిపించదు.

నాకు ఎక్కువగా నచ్చే పాటలు ఎవరైనా ఎపుడైనా బిట్ సాంగ్స్.

ఎవరైనా
ఎపుడైనా సరిగా గమనించారా - 1

ఫాల్గుణ మాసం తర్వాత చైత్రం వచ్చేసరికి మారిన ఋతువుకి
చలి మెల్లగా తొలగి పోయి ,కొత్త చిగుళ్ళు తొడగటం,ఉగాదికి ప్రకృతి కొత్త అందాలు సంతరించుకోవటం
అనే భావాన్ని ప్రస్తుత పరిస్థితిలో
సవతి తల్లి పెట్టే బాధలు భరించలేక బాధపడుతున్న తనూరాయ్ జీవితంలోకి వెంకట్ ఆగమనంతో
కలిగిన మనోధైర్యం, కొత్త జీవితం గురించి చిగురించిన ఆశలకు అన్వయిస్తూ ..
సిరివెన్నెల సీతారామశాస్త్రి గారు రాసిన ఈ సాహిత్యం అద్భుతంగా వుంటుంది.

ఎవరైనా ఎపుడైనా సరిగా గమనించారా - 1



ఎవరైనా ఎపుడైనా సరిగా గమనించారా
చలిచెర అసలెప్పుడు వదిలిందో
ఆణువణువూ మురిసేలా
చిగురాశలు మెరిసేలా తొలి శకునం ఎప్పుడు ఎదురైందో
చూస్తూనే ఎక్కడినుంచో చైత్రం కదిలొస్తుంది
పొగమంచును పో పొమ్మంటూ తరిమేస్తుంది.
నేలంతా రంగులు తొడిగి సరికొత్తగా తోస్తుంది
తన రూపం తనే చూస్తూ పులకిస్తుంది..

తువెప్పుడు మారిందో బ్రతుకెప్పుడు విరిసిందో
మనసెప్పుడు తలపుల వనమైందో!
ఎవరైనా ఎపుడైనా సరిగా గమనించారా
చలిచెర అసలెప్పుడు వదిలిందో
ఆణువణువూ మురిసేలా
చిగురాశలు మెరిసేలా తొలి శకునం ఎప్పుడు ఎదురైందో

ఎవరైనా ఎపుడైనా చిత్రం చూసారా - 2

చనిపోయిన ఇద్దరు వ్యక్తుల కోసం మంచి మనస్సుతో
రాసిన లేఖలను "ఒక చల్లని మది పంపిన లేఖ" అంటూ...
వ్యక్తిగతంగా ఎప్పుడూ ద్వేషించుకునే ఇద్దరు ఇలా ఉత్తరాల ద్వారా ఒక్కటి కావటం
"గగనాన్ని నేలను కలిపే వింతల వంతెనగా" వర్ణిస్తూ..
విధి ఎప్పుడు ఎలాజీవితాన్ని మలుపు తిప్పుతుందో తెలియదు
అందుకే చూసేందుకు అచ్చంగా మన భాషే అనిపించినా విధిరాత అక్షరము కూడా అర్ధమవదని
సిరివెన్నెల గారు రచించిన ఈ బిట్ సాంగ్స్ రెండు చాలా బాగుంటాయి..

ఎవరైనా ఎపుడైనా చిత్రం చూసారా - 2



ఎవరైనా ఎపుడైనా చిత్రం చూసారా
నడిరాతిరి తొలి వేకువ రేఖ
నిదురించే రెప్పలపై ఉదయాలను చిత్రించే
ఒక చల్లని మది పంపిన లేఖ
గగనాన్ని నేలను కలిపే వీలుందని చూపేలా
వింతల వంతెన ఇంకా ఎక్కడిదాకా
చూసేందుకు అచ్చంగా మన భాషే అనిపిస్తున్నా
అక్షరము అర్ధం కానీ విధిరాత

కన్నులకే కనపడని మమతల మధురిమతో
హృదయాలను కలిపే శుభలేఖ
ఎవరైనా ఎపుడైనా చిత్రం చూసారా
నడిరాతిరి తొలి వేకువ రేఖ
నిదురించే రెప్పలపై ఉదయాలను చిత్రించే
ఒక చల్లని మది పంపిన లేఖ

ఇవీ నాకు చాలా నచ్చిన ఇప్పటికీ టీవీ లో వస్తే వదలకుండా నేను చూసే ఆనందం సినిమా విశేషాలు.

ఆనందం




4 కామెంట్‌లు:

సుభ/subha చెప్పారు...

చిత్రం నేనూ చూసాను.. కానీ మీ వ్యాఖ్యానం చాలా బాగుంది.

రాజ్యలక్ష్మి.N చెప్పారు...

సుభ గారు నా వ్యాఖ్యానం నచ్చినందుకు థాంక్స్ అండీ..
నాకు సినిమాల గురించి చెప్పటం అంత బాగా రాదు

కానీ ప్రయత్నిద్దామని అప్పుడప్పుడు ఇలా ప్రయొగాలు చేస్తానన్నమాట:)

రసజ్ఞ చెప్పారు...

ఈ సినిమా అంతా చూడచ్చు ఎన్నిసార్లయినా కానీ నాకు బాగా నచ్చే అంశం ఉత్తరాలు. మనం వ్రాసే ఒక్క ఉత్తరం వాళ్ళకి ఎంతో చేయూతని, గుండె నిబ్బరాన్ని, మనో స్థైర్యాన్ని ఇస్తుంది.

రాజ్యలక్ష్మి.N చెప్పారు...

నిజమేనండీ ఉత్తరాల ద్వారా మనం మాటల్లో చెప్పలేని ఎన్నో భావాలను చెప్పొచ్చు..
ఎప్పటికీ నిలిచిపోయే భావనలకు ప్రతిరూపం ఉత్తరాలు..
మీరు చెప్పినట్లు ఈ సినిమాలో ముఖ్యమైన పాత్ర ఉత్తరాలదే..
మీ స్పందనకు ధన్యవాదములు

Related Posts Plugin for WordPress, Blogger...