పరుగాపక పయనించవె తలపుల నావా.. కెరటాలకు తలవంచితె తరగదు త్రోవా.. ఎదిరించిన సుడిగాలిని జయించినావా.. మది కోరిన మధు సీమలు వరించిరావా..

16, మే 2010, ఆదివారం

గాజుల గలగలలు



నగలు ఎన్ని ఉన్నాఆడవాళ్ళ చేతులకి మట్టి గాజులు వేసుకుంటే వచ్చినంత కళ ,అందం ఇంక దేనికీ రావని నా అభిప్రాయం.
మన సాంప్రదాయాన్ని చూడగానే తెలియచేసే ఆభరణాలలో మట్టిగాజులు ఒకటి.

నా చిన్నప్పుడు మట్టిగాజులు ఇళ్ళ ముందుకు వచ్చి అమ్మేవాళ్ళు.
ఒక చెక్కపెట్టెలో వరసలుగా అమర్చిన, మెరిసే రకరకాల గాజులను చూడగానే ఆడవాళ్ళు పిలిచి
నచ్చిన గాజులను వేయించుకునే వాళ్ళు.

నాకు కూడా మట్టిగాజులు చాలా ఇష్టం.పెళ్లి తర్వాత నాకు ఇష్టమైన నగలలో ఈ గాజులు కూడా చేరాయి.
షాపింగ్ కి వెళ్ళినా ,ఏదైనా గుడికి వెళ్ళినా అక్కడ అమ్మ నాకు తప్పకుండా గాజులు ఇప్పిస్తుంది.
ఆ గాజులు వేసుకోగానే మా చెల్లి నా గాజులు ఫోటో తీయటం తప్పనిసరి.


గాజుల గురించి,ఒక పరిపూర్ణ మహిళ జీవితంలో వివిధ దశలలో వేసుకునే గాజులను ప్రకృతిలోని అందమైన రంగులతో పోల్చుతూ "సరోజినీ నాయుడు" తన "Bangle Sellers " poem లో చాలా చక్కగా వర్ణించారు.



"Bangle Sellers"

by Sarojini Naidu

Bangle sellers are we who bear
Our shining loads to the temple fair...
Who will buy these delicate, bright
Rainbow-tinted circles of light?
Lustrous tokens of radiant lives,
For happy daughters and happy wives.

Some are meet for a maiden's wrist,
Silver and blue as the mountain mist,
Some are flushed like the buds that dream
On the tranquil brow of a woodland stream,
Some are aglow wth the bloom that cleaves
To the limpid glory of new born leaves

Some are like fields of sunlit corn,
Meet for a bride on her bridal morn,
Some, like the flame of her marriage fire,
Or, rich with the hue of her heart's desire,
Tinkling, luminous, tender, and clear,
Like her bridal laughter and bridal tear.

Some are purple and gold flecked grey
For she who has journeyed through life midway,
Whose hands have cherished, whose love has blest,
And cradled fair sons on her faithful breast,
And serves her household in fruitful pride,
And worships the gods at her husband's side.



9, మే 2010, ఆదివారం

అమ్మ అన్నది ఒక కమ్మని మాట


అమృతానికి అర్పణకీ ఆది పేరు అమ్మ
ఆలయాన
దేవుని ప్రతిరూపం అమ్మ

ఇలలో
స్వర్గాన్ని సృష్టించేది అమ్మ

లోకం గుడి చేరగ తొలి వాకిలి అమ్మ...

అమ్మ లేని ప్రపంచం లేదు.అలాగే నా చిన్ని ప్రపంచంలో నా బంధువు, నా స్నేహితురాలు,నా గురువు అన్నీ ముందుగా అమ్మే.
ఎప్పుడు నా వెంట వుంటూ ఏ లోటు రాకుండా చూసుకుంటుంది అమ్మ

చిన్నప్పటినుండి నా డ్రెస్ డిజైనర్ కూడా అమ్మే.తనే సొంతగా నా డ్రెస్లు డిజైన్ చేసి కుట్టేది.
ఫాబ్రిక్ పైంట్ చేసేది.ఆ డ్రెస్ లు బాగున్నాయని నా ఫ్రెండ్స్ మెచ్చుకుంటే చాలా గర్వంగా వుండేది.
ఇది మా అమ్మ కుట్టింది అని గొప్పగా చెప్పేదాన్ని.

ప్రతి విషయంలో అమ్మ సలహా నాకు తప్పనిసరి.

మనం చేసినా చేయకపోయినా అన్ని పనులు నేర్చుకుని వదిలేయాలి అని చెప్పేది మా అమ్మ.
అప్పుడు అమ్మ అట్లా నేర్పింది కాబట్టే ఇప్పుడు నేను అన్ని పనులు ఎవరి సహాయం లేకపోయినా చేసుకోగలుగుతున్నాను అనుకుంటాను.

నా హాబీలలో మంచి పాటలు వినడం,పుస్తకాలు చదవటం,పూజలు చేసుకోవటం,
ఇల్లు అందంగా సర్దటం ఇలాంటివన్నీ అమ్మ నుండి నేను నేర్చుకున్నవే.

నాకు,మా తమ్ముడికి,చెల్లికి మీరు ఎప్పుడు ఒకరిని ఒకరు వదిలి పోకూడదు, కలిసి వుండాలి.
ఒకరి పై ఒకరు ప్రేమగా వుండాలి అని చెప్తూ వుంటుంది మా అమ్మ.
మా మధ్య వున్న ప్రేమాభిమానాలకు మూలం మా అమ్మ.

పిల్లల క్షేమాన్ని కోరుకుని వాళ్ళ అభివృద్ధికి పాటుపడే అమ్మ దీవెనే మనకి శ్రీరామరక్ష.

మన కోసం అహర్నిశలు శ్రమించే అమ్మకి మనం ఇచ్చే బహుమతి మన ప్రేమ ఒక్కటే.
మన అవసరాలను తీర్చి మనల్ని మనిషిగా తీర్చిదిద్దిన అమ్మకి ఆమె అవసరంలో మనం ఉన్నామన్న ధైర్యాన్ని కలిగించాలి.
నా కోసం నా పిల్లలు ఏదైనా చేయగలరు అని అమ్మ అనుకునేలా చేయగలగాలి.
చిన్నప్పుడు సలహాలుగా అనిపించిన అమ్మ మాటలు పెద్దయ్యాక చాదస్తంగా అనిపించకూడదు.

మన కోరికలు తీర్చిన అమ్మకి కూడా కోరికలు వుంటాయి వాటిని తీర్చాల్సిన బాధ్యత పిల్లలది.
మనల్ని కంటికి రెప్పలా కాపాడుకున్న అమ్మని మనం కూడా అలాగే చూడాల్సి వచ్చిన రోజున అమ్మని నిర్లక్ష్యం చేయకపోవటం మనం అమ్మకి ఇచ్చే గొప్ప బహుమతి.

మా అమ్మ కోరికలను,ఆశయాలను తీర్చగలిగే శక్తిని,అమ్మని ఆనందంగా ఉండేలా చేయగలిగే పరిస్తితులను భగవంతుడు మాకు ప్రసాదించాలని కోరుకుంటూ

అమ్మకి మాతృ దినోత్సవ శుభాకాంక్షలు.


నేను వర్షంలో తడిచి ఇంటికి వచ్చినప్పుడు
గొడుగు తీసుకుని వెళ్ళొచ్చు కదా అన్నాడు తమ్ముడు
వర్షం ఆగిన తర్వాత రావచ్చు కదా అని సలహా ఇచ్చింది చెల్లి
జలుబు చేస్తే గానీ అప్పుడు తెలుస్తుంది నీకు ఇది నాన్న బెదిరింపు
కానీ
నా తల తుడుస్తూ అమ్మ అంది ఈ వెధవ వర్షం ఇప్పుడే రావాలా
నువ్వు ఇంటికొచ్చేదాకా ఆగొచ్చు కదా... అని.
అమ్మ ప్రేమ అంటే ఇదే కదా..

అమ్మలందరికీ మాతృదినోత్సవ శుభాకాంక్షలు

అమ్మ గురించి కమ్మని పాటలు


అమ్మలందరికీ మాతృదినోత్సవ శుభాకాంక్షలు.

ధరణికి గిరి భారమా గిరికి తరువు భారమా
తరువుకు కాయ భారమా కనిపెంచే తల్లికి పిల్ల భారమా

దైవానికి మరో రూపం అమ్మ.తన పిల్లలే ప్రపంచంగా బ్రతికే అమ్మని గురించి చాలా పాటలు వున్నాయి
వాటిలో నాకు నచ్చిన కొన్ని పాటలు మాతృ దినోత్సవం సందర్భంగా
నా ''సరిగమలు-గలగలలు''
బ్లాగ్ లో ...

పాటలన్నీ మా చెల్లి రమ్యా నాయుడు సొంతగా వీడియో మిక్సింగ్ చేసిన పాటలు.
http://raaji-telugusongslyrics.blogspot.in/2010/05/blog-post_08.html


అమ్మ పాటలు


http://raaji-telugusongslyrics.blogspot.in/2012/05/blog-post_13.html



5, మే 2010, బుధవారం

పుట్టినరోజు శుభాకాంక్షలు తమ్ముడు


భలే మంచి రోజు-పసందైన రోజు వసంతాలు పూసే నేటి రోజు.

తమ్ముడూ
నీ జీవితంలో ప్రతి రోజు,ప్రతిక్షణం ఆనందం వెల్లివిరియాలని కోరుకుంటూ

ఆనందం కలిగించే పుట్టినరోజులు నువ్వు మరెన్నో జరుపుకోవాలని ఆకాంక్షిస్తూ ...
భగవంతుడు నీకు ఆయురారోగ్య అష్టైశ్వర్యాలను ప్రసాదించి దీవించాలని ప్రార్ధిస్తూ

పుట్టినరోజు శుభాకాంక్షలు.
అక్క


రాజి

3, మే 2010, సోమవారం

ఒక చిన్ని నవ్వు..


రోజు నవ్వుల దినోత్సవం.

అపరిచితులనైనా స్నేహితుల్ని చేసేది చిరునవ్వు.
మన మనసులోని ఆనందాన్ని,సంతోషాన్ని వ్యక్తం చేసే భావమే చిరు నవ్వు.


ఒక చిన్ని నవ్వే నవ్వి యుద్ధాలెన్నో ఆపొచ్చు
ఒక చిన్ని నవ్వే నవ్వి బంధాలెన్నో కలపొచ్చు
చిరునవ్వుల దీపం వెలిగించు బాధల చీకటి తొలగించు
చిరునవ్వుల బాణం సంధించు శత్రువులే వుండరు గమనించు

మనిషన్నోడే మనసారా తానే నవ్వొచ్చు
మనసున్నోడే తన వారిని కూడా నవ్వించు
పైనున్నోడే నీ నవ్వులు చూసి దిగివచ్చు
నీతో పాటే తన కష్టం మరవచ్చు

ఒక చిన్ని నవ్వే నవ్వి యుద్ధాలెన్నో ఆపొచ్చు
ఒక చిన్ని నవ్వే నవ్వి బంధాలెన్నో కలపొచ్చు

నీ గుండెల్లోనా గాయలెన్నున్నా పెదవుల్లో నవ్వే వాటికి మందు
నీ కన్నులలోనా కన్నీరెంతున్న ఆధారాల నవ్వే వాటికి హద్దు

త్వరగా
నిను చూసి నవ్విన వారే నివ్వెర పోయేట్టు

సరిగా నీ నవ్వుని నిచ్చెన చేసి ఎక్కర పై మెట్టు

నీ
కోపం నువ్వే కరిగించు నీ రూపం నువ్వే వెలిగించు

పాఠం నువ్వే పాటించు పదిమందికి నువ్వే చాటించు

ఒక చిన్ని నవ్వే నవ్వి యుద్ధాలెన్నో ఆపొచ్చు
ఒక చిన్ని నవ్వే నవ్వి బంధాలెన్నో కలపొచ్చు

ఏడ్చే వాళ్ళుంటే ఇంకా ఏడ్పించి కసితీరా నవ్వేస్తుందీ లోకం
నవ్వే వాళ్ళుంటే నవ్వులు నటియించి కడుపార నవ్వేస్తుందీ కాలం

కనుకే
లోకాన్నే ఎదిరించేటి మార్గం కనిపెట్టు

కదిలే కాలాన్నే ఎదురీదేటి ధైర్యం చూపెట్టు

జీవిత సత్యం గుర్తించు.. ఆనందం నువ్వై జీవించు

నీ చలనం నువ్వే గమనించు ..సంచలనం నువ్వే సృష్టించు

ఒక చిన్ని నవ్వే నవ్వి యుద్ధాలెన్నో ఆపొచ్చు
ఒక చిన్ని నవ్వే నవ్వి బంధాలెన్నో కలపొచ్చు



ప్రతి ఒక్కరూ 'నవ్వుతూ బతకాలి.నవ్వులు పంచాలి' .
అందరికీ నవ్వుల దినోత్సవ శుభాకాంక్షలు.



1, మే 2010, శనివారం

'మూడు ప్రభంజనాలు'-నా అభిప్రాయం

కొత్త పాళీ గారు ముందుగా నా బ్లాగ్ లో ఇళయరాజా టాప్ 25 లిస్ట్ పొస్టింగ్ గురించి మీ కామెంట్స్ లో ప్రస్తావించినందుకు చాలా థాంక్స్.
మీ బ్లాగ్ లో 'మూడు ప్రభంజనాలు' అన్న పోస్ట్ కి నాకు తోచిన రీతిలో నా అభిప్రాయాన్ని పోస్ట్ చేస్తున్నాను.
మీరు చెప్పిన ఈ ముగ్గురు వ్యక్తులను నేను కూడా అభిమానిస్తాను.

యండమూరి వీరేంద్రనాధ్
ఈయన రచనల్లో కొన్ని నాకు నచ్చుతాయి.
కొంతమంది రచయిత్రిల్లాగా అమ్మాయిలు కలల రాకుమారుడికోసం ఎదురు చూస్తూ ఆమెకి వచ్చే సమస్యలకి పరిష్కారం కోసం హీరో మీద ఆధారపడే వ్యక్తిగా కాకుండా వ్యక్తిత్వం వున్న స్త్రీ పాత్రలు ఈయన రచనల్లో చాలా వున్నాయి ఆఖరిపోరాటం లో ప్రవల్లిక పాత్రలాగా.

కాసనోవా
99
దెశం కోసం పొరాడే వ్యక్తులని న్యాయం, ధర్మం, నీతి ఎలా కాపాడాయో తెలిపే ఈ నవల నాకు చాలా నచ్చింది.

నాకు నచ్చిన మరొక పుస్తకం మీరు మంచి అమ్మాయి కాదు.
ఇతరులతో మంచి అనిపించుకోవటానికి ఆడవాళ్ళు వాళ్ళ వ్యక్తిత్వాన్ని కోల్పోకూడదు అని చాలా చక్కగా చెప్పారు.

సిరివెన్నెల సీతారామశాస్త్రి



ప్రస్తుతం సినిమాల్లో వస్తున్న పాటలు ఇప్పుడు వింటే ఇంకాసేపటికి మర్చిపోతున్నాం.కొన్ని పదాలకి అర్ధం కూడా ఏమిటో తెలియని పరిస్తితి కానీ సిరివెన్నెల గారు రచించిన ఎన్నో పాటలు ఇప్పటికీ కొంచెం వినగానే మిగిలిన పాటంతా గుర్తుకు వచ్చేలా ఉంటాయి ఆయన పాటలు.

అలుపన్నది ఉందా ఎగిరే అలకు ఎదలోని లయకు
అదుపన్నది ఉందా కరిగే కలకు కరిగే వరకు
మెలికలు తిరిగే నది నడకలకు
మరి మరి ఉరికే మది తలపులకు

నా కోసమే చినుకై కరిగి ఆకాశమే దిగదా ఇలకు
నా సేవకే సిరులే చిలికి దాసోహమే అనదా వెలుగు
ఆరారు కాలాల అందాలు బహుమతి కావా నా ఊహలకు
కళలను తేవా నా కన్నులకు

పాట నాకు చాలా ఇష్టం.మళ్ళీ మళ్ళీ వినాలనిపించే పాట ఇది.

క్రవర్తికీ వీధి భిక్షగత్తెకీ బందువవుతాననీ అంది మనీ మనీ
అమ్మ చుట్టము కాదు అయ్య చుట్టము కాదు ఐన అన్నీ అంది మనీ మనీ

డబ్బుకి మనుషుల జీవితాలలో వున్న స్థానాన్ని తెలియచేస్తుంది ఈ పాట


జన్మంతా నీ అడుగుల్లో అడుగులు కలిపే జత వుంటే
నడకల్లో తడబాటైన నాట్యం అయిపోద
రేయంత నీ తలపులతో ఎర్రబడే కన్నులు వుంటే
ఆ కాంతే నువ్వెతికే సంక్రాంతై ఎదురవదా

నువ్వే తన ఐదోతనమని నీకై నోచే నోముంటే
నిత్యం నీ జీవితమంతా పచ్చని పంటవదా
తానే నీ పెదవులపై చిరునవ్వై చిలికే ప్రెముంటే
ఆ తీపికి విషమైనా అమ్రుతమే ఐపోదా

ప్రతి మనిషికీ తనను ప్రాణంగా ప్రేమించే మనిషి వుండటం ఎంత ముఖ్యమో ఈ పాట తెలియచేస్తుంది.

ఇళయరాజా
నాకు ఎక్కువగా వినాలనిపించే పాటల్లో ఇళయరాజా గారివే ఎక్కువగా ఉంటాయి.
పాటని మించి హోరెత్తే సంగీతం కాకుండా తన సంగీతంతో పాటకి ప్రాణం పోసే సంగీత దర్శకుడు ఇళయరాజా.
మనసుకు హత్తుకునే సంగీతం ఇళయరాజా గారి సొంతం.


యండమూరి
వీరేంద్రనాథ్
సిరివెన్నెల సీతారామ శాస్త్రి
ఇళయరాజా
వీళ్ళ ముగ్గురు ఎందరి జీవితాలను ప్రభావితం చేసారు అన్న విషయం పక్కనపెడితే ప్రతి మనిషి జీవితంలో మంచిని ఎక్కువగా గుర్తు పెట్టుకుంటారు, ఇష్టపడతారు అని నా అభిప్రాయం.
అది సాహిత్యం కావచ్చు ,సంగీతం కావచ్చు మనసుకు హత్తుకునే విషయాలు ఏవయిన కలకాలం మనసులో చెరగని ముద్ర వేస్తాయనేది మాత్రం వాస్తవం.

రాజి
Related Posts Plugin for WordPress, Blogger...