స్వాతంత్ర్య దినోత్సవ శుభాకాంక్షలు

స్వాతంత్ర్య దినోత్సవ శుభాకాంక్షలు - 2014

 

 

దేశభక్తి గీతాలు నా సంగీతప్రపంచం లో 

   http://raaji-telugusongslyrics.blogspot.in/2012/08/blog-post_15.html

రాజకీయ చర్య - ప్రజా ప్రతిచర్య

గత సంవత్సర కాలమంతా రాష్ట్రమంతా ఏమవుతుందో,ఎటుపోతుందో తెలియని అయోమయ,అనిశ్చిత పరిస్థితి ఏర్పడింది .. కొన్ని కోట్ల ప్రజల  చిరకాల స్వప్నంగా తెరమీదకు వచ్చిన తెలంగాణా ఉద్యమం ఒకరి కంట కన్నీరు,ఒకరి కంట పన్నీరు అన్నట్లు ముగిసింది ..

ప్రత్యేక తెలంగాణా ఇవ్వటం  తప్పని ఎవరూ అనరు ఎందుకంటే అది అక్కడి ప్రజల ఆకాంక్ష, వారి హక్కు .. కానీ అదే సమయం లో ఒక వర్గ ప్రజల మనోభావాలను గౌరవిస్తూ చేసిన  విభజన అనివార్యం అయినప్పటికీ మరొక వర్గ ప్రజల మానసిక స్థైర్యాన్ని దెబ్బ తీసే విధంగా వారి కనీస విజ్ఞప్తులను కూడా పట్టించుకోకుండా మూసిన తలుపుల వెనక, ప్రత్యక్ష ప్రసారాలను కూడా నిలిపివేసి,ఏ సమస్యకూ తగిన పరిష్కారం లేకుండా విభజన జరగటం మాత్రం ఎవరూ హర్షించలేకపోయారు.. 

ఏది ఏమైనా జరిగిన దాన్ని గుండెల్లోనే దాచుకుని ఇప్పటికి మనం ఏమీ కోల్పోలేదు అనే ఆత్మస్థైర్యం తో  తెలంగాణా సోదరులకు శుభాకాంక్షలను అందించారు  సీమాంధ్రులు ... ఆంద్రా వాళ్ళు ఏమి చేస్తారులే ,ఉద్యమాలు చేస్తారా .. విధ్వంసాలు చేయగలరా ... ఏదో బడికి వెళ్ళే చిన్న పిల్లలతో ర్యాలీలు చేయిస్తారు ... మహా అయితే రోడ్ల మీద పిచ్చి వేషాలు వేస్తారు అంతే కదా .. వారికోసం పోరాడే సరైన నాయకుడు కూడా లేడు అని ఆంధ్రా వారిని చిన్న చూపు చూసిన నాయకులకు ప్రజలు చెప్పిన సమాధానం చరిత్రలో చిరకాలం నిలిచిపోతుంది. 

గొర్రె కసాయి వాడ్నినమ్మినట్లుగా  మేము వెళ్లి మళ్ళీ ఓట్లడిగి మీ ఆంధ్రాని  అభివృద్ధి చేస్తాము అంటే నమ్మేస్తారులే అనుకున్న నాయకుల అంచనాలు , ఏమో .. ఏమవుతుందో ఎప్పటి నుండో వున్న ప్రధాన  పార్టీ కదా గెలవకుండా ఉంటుందా అన్న కొందరి గట్టి నమ్మకాలను ఒమ్ము చేస్తూ .. సీమాంధ్ర ప్రజల నిర్ణయం విస్మయానికి గురి చేసింది... 

 చర్యకి ప్రతిచర్య లాగా మనం చేసే ప్రతిపనికి తగిన ఫలితాన్ని అనుభవించాల్సి వస్తుందని మరిచిపోయిన నాయకులు  ప్రజల మనోభావాలను కించపరిస్తే ఎదుర్కోవాల్సిన పరిణామాలను విస్మరించి చరిత్ర హీనులుగా మిగిలిపోయారు.. అటు తెలంగాణాలో మేము తెలంగాణా ఇచ్చాము కాబట్టి  మమ్మల్ని దేవతలుగా పూజిస్తారు అన్న కాంగ్రెస్ ఆశా నిరాశ అయింది .. 

ఎన్నికల ఫలితాల రోజు టీవీలో గెలిచిన స్థానాల్లో కాంగ్రెస్ ఎదురుగా "0" అంకెను చూసిన ప్రతి ఆంధ్రుడికి ఏమీ తినకుండానే కడుపు నిండినంత సంతోషం కలగటం లో ఆశ్చర్యం లేదు .. ఏది ఏమైనా తెల్లవారి అరాచక పాలన నుండి విముక్తులు కావటానికి భారతీయులు చేసిన పోరాటాన్ని ప్రతిబింబించేలా సీమాంధ్రులు  చేసిన ఈ తిరుగుబాటు చాలా గొప్పది.. అరవటాలు,కరవటాలు ఎందుకు "కీలెరిగి వాత పెట్టటం" అంటే ఇదే అంటూ నాయకుల నాటకాలకు తెర దించిన ప్రజల విచక్షణ  గొప్పది ... విభజన పాపం ఒక్క కాంగ్రెస్ పార్టీదే  అని అనుకున్నా ... తిలాపాపం తలా పిడికెడు అన్నట్లు అన్ని పార్టీల వాళ్ళు ఎవరికి  వాళ్ళు విభజనకు సహకరించారనేది కూడా బహిరంగ రహస్యం...  

ఏది ఏమైనా కోటి ఆశలతో , అన్ని శక్తులను కూడగట్టుకుని కొత్త రాష్ట్రాన్ని ఏర్పాటు చేసుకునే క్రమంలో భాగంగా ఎవరినో ఒకరిని నమ్మక తప్పని పరిస్థితుల్లో,ఒక కొత్త నాయకత్వానికి  పట్టం కట్టారు సీమాంధ్రులు .. మనకి వున్న వనరులు,అవకాశాలను, అన్నిటినీ సమీకరించి, వినియోగించి  నమ్మిన వారిని వంచించకుండా, స్వార్ధచింతన లేకుండా పాలన సాగించి సీమాంధ్ర ప్రదేశ్ కోలుకుని, అభివృద్ధి  చెందేలా కొత్త నాయకత్వం అడుగేయాలని  ఆకాంక్షిస్తూ ... ప్రజా తీర్పుతో గెలిచిన విజేతలకు,తెలంగాణా,సీమాంధ్ర ప్రజలకు అభినందనలు ! 

తేనెల తేటల మాటలతో మన దేశమాతనే కొలిచెదమా..!

తేనెల తేటల మాటలతో మన దేశమాతనే కొలిచెదమా

తేనెల తేటల మాటలతో మన దేశమాతనే కొలిచెదమా
తేనెల తేటల మాటలతో మన దేశమాతనే కొలిచెదమా

భావం భాగ్యం కూర్చుకొని
ఇక జీవనయానం చేయుదమా
తేనెల తేటల మాటలతో మన దేశమాతనే కొలిచెదమా
భావం భాగ్యం కూర్చుకొని
ఇక జీవనయానం చేయుదమా

సాగర మేఖల చుట్టుకొని
సుర గంగ చీరగా మలచుకొని
సాగర మేఖల చుట్టుకొని
సుర గంగ చీరగా మలచుకొని

గీతా గానం పాడుకొని ...గీతా గానం పాడుకొని
మన దేవికి ఇవ్వాలి హారతులు
తేనెల తేటల మాటలతో మన దేశమాతనే కొలిచెదమా

గాంగ జటాధర భావనతో
హిమ శైల శిఖరమే నిలబడగా
గాంగ జటాధర భావనతో
హిమ శైల శిఖరమే నిలబడగా

గలగల పారే నదులన్నీ ... గలగల పారే నదులన్నీ
ఒక బృందగానమే చేస్తుంటే
తేనెల తేటల మాటలతో మన దేశమాతనే కొలిచెదమా

ఎందరో వీరుల త్యాగబలం
మన నేటి స్వేచ్ఛకే మూలబలం
ఎందరో వీరుల త్యాగబలం
మన నేటి స్వేచ్ఛకే మూలబలం

వారందరిని తలచుకొని ... వారందరిని తలచుకొని
మన మానసవీధిని నిలుపుకొని
తేనెల తేటల మాటలతో మన దేశమాతనే కొలిచెదమా
భావం భాగ్యం కూర్చుకొని
ఇక జీవనయానం చేయుదమా

తేనెల తేటల మాటలతో మన దేశమాతనే కొలిచెదమా
భావం భాగ్యం కూర్చుకొని
ఇక జీవనయానం చేయుదమా

Des Rangeela Rangeela Des Mera Rangeelaa
Video By:
My Sister Ramya..

♥♥ ప్యార్ ... ప్రేమ ... కాదల్ ...Love Anthem For World Peace ♥♥

మానవత్వాన్ని మించిన మతం లేదు.. మానవత్వం అంటే బాధల్లో ఉన్నవారి మీద జాలి చూపించటం,ఆపదలో వున్న వారిని ఆదుకోవటం,సాటి ప్రాణిని హింసించి మనం ఆనందించకపోవటం,కులమతాలకు,దేశ భాషలకు అతీతంగా మనుషులందరినీ ప్రేమించగలగటం...ప్రేమ అన్న పదానికి చాలా పరిమితమైన పరిధి అందరికీ వుంటుంది.

ప్రేమ ఇద్దరు ప్రేమికుల మధ్య మాత్రమే కాదు తన కుటుంబాన్ని,తన చుట్టూ వున్న మనుషుల్ని,జీవరాశిని ప్రేమించే వ్యక్తిత్వాన్నే మానవత్వం అంటాము. ప్రేమ ఇద్దరు లేదా కొందరు మనుషుల మధ్య మాత్రమే వుండదు... కొందరు దేవుడిని ప్రేమిస్తారు, కొందరు చేసే పనిని ప్రేమిస్తారు,కొందరు వస్తువులను,ఆస్తులను ప్రేమిస్తారు,కొందరు ఇష్టమైన భోజనాన్ని ప్రేమిస్తారు, ఇలా ప్రేమ అనేక రకాల "భావాల నిధి" అని చెప్పొచ్చు..

సాటి మనిషికి సహాయం చేయటం,ప్రేమించటం అంటే మన ఆస్తిపాస్తులు,కుటుంబం అన్నిటినీ త్యాగం చేయాల్సిన అవసరం లేదు బాధలో వున్న మనిషికి చిన్న ఓదార్పు మాట చెప్పగలగటం, మన మాటలు,చేతల వల్ల సాటి మనిషికి ద్రోహం చేయకపోవటం కూడా మానవత్వమే. కానీ ప్రతి మనిషికీ తనకంటూ కొన్ని ఆలోచనలు వుంటాయి,తన జీవితంలో ఎవరికి ఏమి చెయ్యాలి,ఎవరికి తన ప్రేమను పంచాలి,ఎలా సమాజంలో మనుగడ సాగించాలి అనే విషయంలో ఎవరి పరిధులు వాళ్లకుంటాయి. మనుషులందరూ మదర్ థెరీసా లాగా సంఘ సేవకులు కాలేరు కానీ మానవత్వం వున్న మనుషుల్లాగా దయతో ఎదుటివారిని ఆదరించగలగాలి. ప్రేమ అనేది "మరొకరి సంతోషాన్ని చూసి ఆనందించగలగటం ".

ఒక్కోసారి నాకు అనిపిస్తుంది దేవాలయాలకు,స్వామీజీలకు లక్షలు లక్క్షలు పెట్టి బంగారు కిరీటాలు,తొడుగులు చేయించే అజ్ఞాత భక్తులు ఆ డబ్బేదో ఏదో ఒక అనాధాశ్రమానికో,పేదలకో ఇవ్వొచ్చు కదా,ఆ ఇచ్చిన విరాళాలను తీసుకున్న వారు సక్రమంగా ఖర్చు పెట్టొచ్చుకదా అని... కానీ మళ్ళీ నా మనసుకే అనిపిస్తుంది ఒకరి ఆలోచనలను నియంత్రించటానికి,నిర్ణయించటానికి మనకేమి హక్కుంది?? నా ఆలోచన నాకున్నట్లే ఎవరి రీజనింగ్ వాళ్ళకుంటుంది కదా అని.. "ఇంట గెలిచి రచ్చ గెలవమన్నట్లు" ఏదైనా మనం పాటించి ఎదుటివాళ్ళకి చెప్పటం మంచిది కదా..

"మనుషులంటే రాయిరప్పలకన్న కనిష్టం గానూ చూస్తావేల బేలా?

దేవుడెక్కడో దాగెనంటూ కొండకోనల వెతుకులాడేవేలా?
కన్ను తెరచిన కానబడడో? మనిషి మాత్రుడియందు లేడో?
యెరిగి కోరిన కరిగి యీడో ముక్తి?"
--గురజాడ

ఇప్పుడింతకీ నేను ఈ మానవత్వం, ప్రేమ అన్న విషయాల గురించి ఎందుకు చెప్తున్నానంటే మా తమ్ముడి ఫోన్ కి కాల్ చేస్తే కాలర్ టోన్ గా ఒక పాట వస్తుంది.. అది మన తెలుగు కాదు,తమిళ్ కాదు ఏదేదో వచ్చేస్తున్నాయి.. ఇదేంటా అని ఎన్నిసార్లు విన్నా పాట నాకు అర్ధం కాలేదు. అప్పుడు మా తమ్ముడిని అడిగితె చెప్పాడు అది తమిళ్ హీరో "శింభు" పాడిన "Love Anthem For World Peace" అన్న పాట ఆని చెప్పి, పాట చాలా బాగుందక్కా ,మీనింగ్ బాగుంది నువ్వు కూడా చూడు అని సాంగ్ లింక్ ఇచ్చాడు.

నాకు కూడా ఈ పాట నచ్చింది. ఈ మధ్య ధనుష్,నితిన్ ఇలా సినిమా హీరోలంతా పాటలు పాడేస్తున్నారు కదా అలాంటి ప్రయత్నమే "శింభు" కూడా చేశాడు. ప్రపంచంలోని వివిధ భాషల్లో ప్రేమ అనే పదాన్ని ఉపయోగించి, ప్రపంచవ్యాప్తమైన ప్రేమను, మానవత్వాన్ని కోరుకుంటూ,మనకు వున్న ఈ ఒక్క జీవితాన్ని ద్వేషంతో ,పగలు,ప్రతీకారాలతో వేస్ట్ చేసుకోవద్దని, "All We Need Is Love" అంటూ "శింభు" రాసి తానే స్వయంగా పాడి,27 December 2011 న రిలీజ్ చేసిన ఈ పాట బాగుంది...

♥♥ Love Anthem For World Peace ♥♥

dashuri dashuri
dashuri dashuri
salang salang
leifde leifde
las'ka las'ka

armastus armastus
rakkaus rakkaus
ag'api ag'api
lyubov lyubov

all we need is
love..aai..amour..amour
all we need is
love..aai..amour..amour

all we need is
love..aai..amour..amour
all we need is
love..aai..amour..amour..amour

love is full of energy
love is positivity
we don't need negativity
love to feel humanity

lets not cry and lets not try
hating,hurting and killing each other
we wont get another
life together
oh my brother

all we need is
pyaar..prema..kaadhal
all we need is
pyaar..prema..kaadhal..kaadhal

Music, Lyrics & Sung By
Simbu

All the following words denotes love in different languages.

♥Love - English
♥dashuri - Albanian
♥salang - Korean
♥leifde - Dutch
♥las'ka - Czech
♥armastus - Estonian
♥rakkaus - Finnish
♥ag'api - Greek
♥lyubov - Russian
♥Aai - Chinese
♥Amour - French/Spanish
♥Pyaar - Hindi
♥Prema - Telugu
♥Kaadhal - Tamil

అమీర్ ఖాన్ - సత్యమేవ జయతే..

దేశ సంస్కృతిని ప్రతిబింబిస్తూ ,ప్రజల్లో సమాజం పట్ల అవగాహనను కలిగించి,వ్యవస్థ లోని లోపాలను తెలియచేసేలా ఒక మంచి రియాలిటీ షో "అమీర్ ఖాన్ - సత్యమేవ జయతే"...హిందీ,తెలుగు, తమిళ, కన్నడ, మలయాళ...ఇలా అన్ని భాషల్లో 'సత్యమేవ జయతే' కార్యక్రమం మే 6 నుండి ప్రతి ఆదివారం ప్రసారం అవుతుంది..

ఈ కార్యక్రమం కోసం అమీర్ ఖాన్ మన దేశమంతా తిరుగుతూ వివిధ వర్గాలకు చెందిన ప్రజలను కలుసుకున్నారట.ఈ ప్రోగ్రాం కోసం తయారు చేసిన టైటిల్ సాంగ్ చాలా బాగుంది. నాకు అమీర్ ఖాన్ ఫేవరేట్ ఆర్టిస్ట్,
ఇప్పుడు అమీర్ చేస్తున్నది మన దేశానికి,ప్రజలకి సంబంధించిన ఒక మంచి కార్యక్రమం "మన జీవితం బాగుంది కదా ఇంక ఎదుటి వాళ్ళ తో మనకెందుకు" అని అనుకోకుండా ,నేను కూడా ఈ సమాజం లో ఒక భాగమే కాబట్టి,నా వంతుగా ఏదైనా చేయాలన్న ఆలోచనతో ... మనుషుల మనస్సులో,ఆలోచనల్లో కొంతైనా మార్పు తీసుకురావాలన్న ఒక సదుద్దేశ్యంతో నేను ఈ కార్యక్రమం చేస్తున్నాను అని చెప్తున్నారు అమీర్ ఖాన్..

అమీర్ ఖాన్ చేస్తున్న ఈ ప్రయత్నాన్ని అభినందిస్తూ, వెయ్యి మైళ్ళ ప్రయాణమైనా ఒక్క అడుగుతో మొదలు పెడతాం కాబట్టి ఈ ప్రయత్నం విజయవంతం కావాలని కోరుకుంటూ..
ఇప్పటి నుండి ప్రతి వారం ఈ "సత్యమేవ జయతే" షో చూడాలని నిర్ణయించుకున్నాను.

Aamir's Satyamev Jayate
A Love Song To India

నీ సౌరభం సమ్మోహనం ... నీ తోటిదే నా జీవితం
నా హృదయమూ నీకంకితం
వేరెవరికీ అది దుర్లభం

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

నీవే నేర్పావూ ... నీ జాతికి అర్ధం
నీ వరములో దాచానూ ... నా జీవిత పరమార్ధం
సత్యమేవ సత్యమేవ సత్యమేవ జయతే
సత్యం నా ప్రేమా ... సత్యమేవ జయతే
సత్యమేవ సత్యమేవ సత్యమేవ జయతే

నీ కాంతిలో నీ క్రాంతిలో ... నే తప్పనూ దారెన్నడూ
నా యత్నమూ ... ధృఢ చిత్తమూ
పూదోటయే ఎల్లప్పుడూ
నీ బాటలో చిక్కుల్ని నే ... విడదీస్తూ దరి చేరతా
నీ ప్రేమయే అలరించగా ... సుస్వరములో నే పాడతా

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

నీవే నేర్పావూ ... నీ జాతికి అర్ధం
నీ వరములో దాచాను నా జీవిత పరమార్ధం
సత్యమేవ సత్యమేవ సత్యమేవ జయతే
సత్యం నా ప్రేమా... సత్యమేవ జయతే
సత్యమేవ సత్యమేవ సత్యమేవ జయతే

నీ సౌరభం సమ్మోహనం ... అహ మధురమూ
అది మదిరమూ
చల్లావూ విత్తు నీవే ... ఈ అంకురం ఆ ఫలితమూ
నను నన్నుగా దరి చేర్చుకో ... అని అననులే ఏ నాటికీ
నీ దరికి చేరే అర్హత సాధిస్తా ముమ్మాటికీ

నా ఊపిరీ నా స్పందనా ... ఈ జీవితం నీ కోసమే
ప్రతి సఫలతా ... ప్రతి విఫలతా
ప్రతి యత్నమూ నీ నామమే
నే మారతా ... నీ కోసమూ...

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

సత్యమేవ సత్యమేవ సత్యమేవ జయతే
సత్యం నా ప్రేమా... సత్యమేవ జయతే
సత్యమేవ సత్యమేవ సత్యమేవ జయతే

గురి చెయ్యి నన్ను పరీక్షకీ
లోపాలు తెలుపు నా ఆత్మకీ
లొసుగున్ననూ ... ముసుగెందుకు
సత్యాన్ని చూసి బెదురెందుకూ...

నను మార్చుకోవలసొచ్చినా ... నే మారతా నీ కోసమూ
నే నిప్పుపై నడవాల్సినా ... నే నడుస్తా నీ కోసమూ
నీ ప్రేమయే సంకల్పమూ
నా రక్తమూ ప్రతి చుక్కలో ... నా మేనిలో రుధిరమ్ములో
నీ సౌరభం ప్రతి ... ధారలో

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

సత్యమేవ సత్యమేవ సత్యమేవ జయతే
సత్యం నా ప్రేమా... సత్యమేవ జయతే
సత్యమేవ సత్యమేవ సత్యమేవ జయతే

మ్యూజిక్ డైరెక్టర్ : రామ్ సంపత్
లిరిక్స్ : V . చక్రవర్తి
సింగర్స్ : రామన్ మహదేవన్, రాజీవ్ సుందరేసన్

Satyamev Jayate - 6th May 2012

ఏకులమైనా ...ఏ మతమైనా భరతమాతకొకటే లేరా !

ఈ రోజు "raafsun" గారి బ్లాగ్ లో
"వీళ్ళు ముస్లిములు కారు.....వీళ్ళ మతం ఇస్లాం కాదు...."
అన్న పోస్ట్ చూసిన తర్వాత ,కొంత మంది అలా వున్నా మనమందరం భారతీయులం,
భారతీయులంతా ఒక్కటే అనుకునే వాళ్ళు కూడా వుంటారు అని నేను నమ్ముతాను. అందుకే ఈ పోస్ట్..

దేశం మనదే ...తేజం మనదే

దేశం మనదే ...తేజం మనదే
దేశంమనదే ...తేజంమనదే
ఎగురుతున్నజండామనదే
నీతి మనదే ... జాతిమనదే
ప్రజల అండదండా మనదే

అందాల బంధం వుంది ఈనేలలో
ఆత్మీయరాగం వుంది ఈగాలిలో .
ఏకులమైన ... ఏమతమైనా
ఏకులమైన ... ఏమతమైనా భరతమాత కొకటేలేరా ...

ఎన్నిబేధాలున్నా ... మాకెన్నితేడాలున్నా
దేశమంటే ఏకమవుతాం అంతా ఈవేళా
వందేమాతరం అందాం అందరం
వందేమాతరం అందాం అందరం

దేశంమనదే ...తేజంమనదే
ఎగురుతున్నజండామనదే
నీతిమనదే ...జాతిమనదే
ప్రజల అండదండా మనదే
అందాల బంధం వుంది ఈనేలలో
ఆత్మీయరాగం వుంది ఈగాలిలో ..

ఏకులమైనా ...ఏమతమైనా
భరతమాత కొకటేలేరా
రాజులు ఐనా పేదలుఐనా
భరతమాత సుతులేలేరా...

ఎన్నిదేశాలున్నా... మాకెన్నిదోషాలున్నా
దేశమంటే ప్ర్రాణమిస్తాం అంతాఈవేళా
వందేమాతరం అందాంఅందరం

శతవసంతాల మన "జనగణమన"...!

జాతీయ గీతం జనగణమనకు ఈ రోజుతో వందేళ్ళు పూర్తి అయ్యాయి.
విశ్వకవి రవీంద్రనాథ్ ఠాగూర్ రాసిన 'జనగణమన' మొట్టమొదటి సారిగా 1911 లో డిసెంబర్ 27 న
కలకత్తాలో జరిగిన భారత జాతీయ కాంగ్రెస్ సమావేశంలో ఆలపించారు.
స్వాతంత్ర్యం వచ్చిన తర్వాత 1950,జనవరి 24 న ఈ గీతానికి జాతీయగీతం హోదాదక్కింది.
'జనగణమన' భారతీయ స్ఫూర్తిని,భారతీయుల భిన్నత్వంలో ఏకత్వాన్ని చాటే అపురూప గేయం.
భరతమాత కీర్తి ప్రతిష్టతలను చాటుతూ...భారత దేశ భౌగోళిక స్వరూపాన్నిదాని అంతస్సారంతో వర్ణించే అక్షర చిత్రమిది.

'ప్రజలందరి మనస్సుకు అధినేతవు,భారత భాగ్య విధాతవు అయిన నీకు జయమగుగాక,
పంజాబ్,సింధు,గుజరాత్,మహారాష్ట్ర,ద్రావిడ,ఉత్కళ,వంగ దేశాలతోనూ,
వింధ్య,హిమాలయ పర్వతాలతోనూ,యమునా,గంగ ప్రవాహాలతో ఉవ్వెత్తున లేచే సముద్ర తరంగాలతోను
శోభించే ఓ భాగ్య విధాత,వాటికి నీ శుభనామం ఉద్భోధనిస్తుంది.
అవి నీ ఆశీస్సులు ఆకాంక్షిస్తాయి.నీ జయ గాధల్ని గానం చేస్తాయి.
సకల జనులకు మంగళ కారకమైన,భారత భాగ్య విధాతవు అయిన నీకు
జయమగు గాక! జయమగు గాక! జయమగు గాక!'

మొత్తం 31 చరణాలతో రవీంద్రుడు జనగణమన రాయగా అందులో ఏడు చరణాలను మనం జాతీయ గీతంగా ఆలపిస్తున్నాం.జాతీయ గీతం రచించిన భాష సంస్కృత మిళిత బెంగాలీ అయినా,
భారతీయులంతా దీన్ని తమమాతృ గీతం గా అనుభూతి చెంది పాడుకునేలా మన జాతీయ గీతం రూపు దిద్దుకుంది.

Janaganamana
(full song of National Anthem of India)

ఎక్కడ  విన్నా వినపడకపోయినా ఉదయాన్నే స్కూల్ అసెంబ్లీ లో ..సాయంత్రం స్కూల్స్ వదిలే టైం లో
విద్యార్ధుల గొంతులో స్వరమై చేరి,భారతీయుడి జీవితంపై చెరగని ముద్ర వేసిన ఈ శుభ గానం
వందేళ్ళైనా,ఇంక ఎన్నేళ్ళైనా... ప్రతి క్షణం భారత దేశ సమున్నతిని చాటుతూనే వుంటుంది.

మిలే సుర్ మేరా తుమ్హారా....

ఎన్నో భాషలు,ఎన్నో మతాలూ,మరెన్నో సంస్కృతులు.వీటి సమ్మేళనం మన భారతీయం.
ఆ భారతీయతనురెండు లైన్లలో పాడుకోగలిగితే అది.. 
"మిలే సుర్ మేరా తుమ్హారా..తో సుర్ బనే హమారా.."

గతంలోకి వెళితే..లోక్ సేవ సంచార్ పరిషత్ వారు ఓ వీడియో రూపొందించమని "ఒగిల్వి మీడియాని"
కోరారు.ఆ వీడియో భారతీయత ఉట్టిపడేలా ఉండాలనేది అప్పటి ప్రభుత్వం ఆలోచన.అంతే కాదు నిడివి
5 నిమిషాలే వుండాలి..14 భాషలు వినిపించాలి..దేశంలోని భిన్నత్వమంతా ఏకత్వంగా కనిపించాలి 
ఇదీ కాన్సెప్ట్.అనుకున్నట్లే వీడియోను రూపొందించింది ఒగ్విలి మీడియా.ఆ పాటే మిలే సుర్ మేరా తుమ్హారా.సురేష్ మాలిక్ ఈ పాట సృష్టికర్త .. ఈ పాటను "పీయూష్ పాండే" రాశారు.. దీనికి సంగీతం  
లూయిస్ బ్యాంక్స్ ..1988,ఆగస్ట్ 15 న ప్రధానమంత్రి ప్రసంగం అనంతరం దూరదర్శన్ లో ఈ పాట తొలిసారి ప్రసారమైంది.

నేను భారతీయుడినని ప్రతి భారతీయుడు గర్వంగా చెప్పుకునేలా, జాతీయతా భావాన్ని కలిగించేలా
ఎన్నో అందమైన లోకేషన్స్ లో, ఎందరో ప్రముఖులు,అప్పటి హీరోహీరోయిన్లతో పాటు, కోట్లమంది
భారతీయులు సమసృతిలో పాడిన ఈ పాట మరో జాతీయ గీతం అనదగ్గ స్థాయిలో మన గుండెల్లో
నిలిచిపోయింది..

ఈ పాట వినగానే వెంటనే నా మనసు చిన్నప్పుడు DD రోజులకి వెళ్ళిపోతుంది.చిన్నప్పుడు ఈ పాటకి అర్ధం తెలియకపోయినా మన తెలుగు దంపతులు పాడే "నా స్వరము నీ స్వరము సంగమమై మన స్వరంగా అవతరించే.." అనే లైన్స్ చాలా బాగుండేవి .. ఇప్పటికీ, వింటున్నా,చూస్తున్నా మనసుకు ఏదో తెలియని సంతోషాన్నిచ్చే ఈ పాట  ఈ పాట నా చాలా ఇష్టమైన పాట.

मिले सुर मेरा तुम्हारा -1988

(Video On National Integration)

మ్యూజిక్:లూయిస్ బాంక్స్

లిరిక్స్:పీయూష్ పాండే
డైరెక్టర్:సురేష్ మాలిక్
సింగర్:భీంసేన్ జోషి
ప్రొడ్యూసర్ :లోక్ సేవా సంచార్ పరిషత్.

నా స్వరము నీ స్వరము సంగమమై
మన స్వరంగా అవతరించే..

సుఖదాం వరదాం మాతరం .. వందేమాతరం

ఇప్పుడంటే ఆగస్ట్ 15 వస్తేనే దేశభక్తి,దేశ భక్తీ గీతాలు గుర్తుకు వస్తున్నాయి కానీ చిన్నప్పుడు
ప్రతిరోజూ స్కూల్ కి వెళ్ళగానే ముందు చేసే పని అసెంబ్లీ...
మా st'anns స్కూల్ లో ప్రతి రోజు క్రమం తప్పకుండా ఉదయం 8 నుండి 9 దాకా అసెంబ్లీ జరగాల్సిందే
మేమందరం ప్రేయర్ సాంగ్ తర్వాత వందేమాతరం తర్వాత ఏదో ఒక తెలుగు దేశభక్తి గీతం పాడాల్సిందే..
అందులో నాకిష్టమైన పాటలు
మా తెలుగు తల్లికి మల్లెపూదండ,
తేనెల తేటల మాటలతో మనదేశ మాతనే కొలిచెదమా,
సారే జహాసే అచ్చా...
ఈ పాటలు నాకు చాలా ఇష్టం
దాని తర్వాత జనగణమన ఇది మాత్రం చాల గట్టిగా,ఫాస్ట్ గా పాడేసే వాళ్ళం ఎందుకంటే
దీనితో అసెంబ్లీ అయిపోతుంది కదా అందుకని ...
ఇంక చిన్నప్పుడు ఆగస్ట్ 15 అంటే మాత్రం చాలా సరదాగా వెళ్లి జెండా వందనం చేసి మా సిస్టర్స్ ఇచ్చే చాక్లెట్స్ తినేసి తరవాత హాయిగా సెలవుని ఎంజాయ్ చేసే వాళ్ళం..
స్వాతంత్ర్య దినోత్సవం కోసం పాటలు వెతుకుతుంటే ఈ పాటలు కనిపించి నా చిన్నన్నటి స్కూల్ రోజులను గుర్తు చేశాయి..

అందరికీ 65వ స్వాతంత్ర్య దినోత్సవ శుభాకాంక్షలు

వందేమాతరం ..వందేమాతరం ..
సుజలాం సుఫలాం మలయజ శీతలాం
సస్యశ్యామలాం మాతరం వందేమాతరం ...

శుభ్రజ్యోత్స్న పులకిత యామినీమ్
ఫుల్లకుసుమిత ద్రుమదళ శోభినీం
సుహాసినీం సుమధురభాషినీ
సుఖదాం వరదాం మాతరం .. వందేమాతరం



తేనెల తేటల మాటలతో మన దేశ మాతనే కొలిచెదమా

భావం భాగ్యం కూర్చుకుని ఇక జీవన యానం చేయుదుమా

మా తెలుగు తల్లికి మల్లెపూదండ మా కన్న తల్లికి మంగళారతులు



సారే జహాసే అచ్చా హిందూస్తా హమారా హమారా

లక్షగళాల జయహే

లక్షసార్లు జాతీయ గీతాలాపన నిన్న తిరుపతి మహతి ఆడిటోరియంలో జరిగింది.
తిరుపతి మాజీ ఎం.ఎల్.ఏ వెంకటరమణ అధ్వర్యంలో ఐదు వేలమంది బాలలు ,పెద్దలు
హృద్యంగా లక్షసార్లు జాతీయ గీతాన్ని పాడారు..
ఆదివారం ( 07-08-2011 ) జరిగిన ఈ కార్యక్రమం "ఇండియా బుక్ అఫ్ రికార్డ్స్" లో స్థానం సంపాదించింది..
ఈ సందర్భంగా వంద భాషల్లో జాతీయ గీతాన్ని ముద్రించిన "బిగ్ బుక్ అఫ్ జనగణమన"పుస్తకాన్ని ఆవిష్కరించారు
ఈ పుస్తకం కూడా "ఇండియా బుక్ అఫ్ రికార్డ్స్"లో స్థానం సాధించింది.

ఈ సందర్భంగా నా బ్లాగ్ లో కూడా జనగణమన ...

జనగణమన అధినాయక జయహే

అమెరికా -- భూలోక స్వర్గం

కొన్నిరోజుల క్రితం నిదురించే తోటలోకి బ్లాగర్ లత గారు అమెరికా - అమెరికా అనే పోస్ట్ పెట్టారు..
అమెరికా వెళ్తేనే ఏదో సాధించినట్లు లేకపోతే జీవితం వ్యర్ధమనీ అనుకునే వాళ్ళ గురించి లత గారు
రాసిన ఆ పోస్ట్ బాగుంది..
అది చదివిన తర్వాత నేను ఎప్పుడో యూట్యూబ్ లో చూసిన ఈ వీడియో గుర్తొచ్చింది..
మీరూ చూడండి..

ప్రపంచకప్ విజేత భారత్...

02-ఏప్రిల్-2011.... భారత క్రికెట్ చరిత్రలో ఎప్పటికీ గుర్తుండిపోయే రోజు ...
భారత జట్టు ప్రపంచకప్ గెలిచినరోజు...భారత్ లో పండగరోజు...
వాంఖడే స్టేడియం లో ఈ రోజు జరిగిన ఫైనల్ లో శ్రీలంకను ఆరు వికెట్ల తేడాతో ఓడించి
ధోని జట్టు సగర్వంగా ప్రపంచకప్ ను అందుకున్నారు.

నేనెప్పుడు క్రికెట్ చూడను కానీ ఈ సారి మాత్రం ఫైనల్ మొదటినుండి చివరిదాకా ఎంతో ఆత్రుతగా
ఈ మాచ్ చూసాము అందరం...
ఎంతో ఉత్సాహంగా విజయాన్ని కోరుకుని మాచ్ చూస్తున్న అందరికీ సచిన్,సెహ్వాగ్ ల ఓటమి నిరాశని కలిగించింది..
కానీ గంభీర్,కోహ్లి చాలా నిదానంగా, జాగ్రత్తగా ఆడుతూ సాహసం చేసే వారి వైపే విజయం నిలుస్తుందన్న మాటను నిజం చేసారు...
ఇక ధోని నిజమైన నాయకుడు ఎలా ఉండాలో అలా ప్రపంచకప్ గెలిచి సంచలనం సృష్టించాడు..

28 సంవత్సరాల నిరీక్షణ ఫలించి,భారతీయులందరినీ ఆనందడోలికల్లో ముంచెత్తిన ఈ విజయం,ఈ క్షణం చిరస్మరణీయం...
భారత్ క్రికెట్ టీంకు అభినందనలు...

టీం ఇండియాకి మా చెల్లి రమ్యనాయుడు గిఫ్ట్

All the best to indian cricket team and thanks for the precious gift to india