హాయి హాయిగా జాబిల్లి --- తెలుగు,హిందీ,తమిళ్,గుజరాతీ భాషల్లో

హాయి హాయిగా జాబిల్లి తొలిరేయి వెండి దారాలల్లి  వెలుగు నీడలు (1961) సినిమా కోసం "శ్రీ శ్రీ" గారు రచించిన ఈ పాట ఆనాటి ఆపాత మధురాల్లో ఒకటి.ఇదే ట్యూన్ తో ఈ పాట హిందీలో కూడా ఉంది "Naya Sansar (1959)" సినిమాలో "చందా లోరియా సునాయే" అనే జోలపాట.. చాలా బాగుంటుంది.నాకు ఈ హిందీ పాట వరకే తెలుసు.

బ్లాగర్  "నీహారిక" గారు ఇదే పాట తమిళ్,గుజరాతీలో కూడా ఉందని చెప్పారు.అన్ని పాటలు కలిపి ఒకేచోట ఉంచితే బాగుంటుందనే నీహారిక గారి ఆలోచన బాగుంది కదా అని అన్ని భాషల్లో పాటల్ని ఒకేచోట ఇక్కడ పోస్ట్ చేస్తున్నాను.తెలుగు,తమిళ్ డబ్బింగ్ పాటలే కానీ ,గుజరాతీ, హిందీలో మాత్రం పూర్తి  వైవిధ్యంగా వున్నాయి. 
Thank You so Much నీహారిక గారు .. మంచి పాటని ఇన్ని భాషల్లో పరిచయం చేసినందుకు ..

హాయి హాయిగా జాబిల్లి --- తెలుగు,హిందీ,తమిళ్,గుజరాతీ భాషల్లో 

 హాయి హాయిగా జాబిల్లి తొలి రేయి వెండి దారాలల్లి 

మందు జల్లి నవ్వ సాగే ఎందుకో 

మత్తు మందు జల్లినవ్వసాగే ఎందుకో

వెలుగు నీడలు - 1961


Chanda loriya sunaye     
Hawa jhulna jhulaye     
Rani nindiya sulaye mere laal ko
Naya Sansar - 1959


Inba loga jothi roopam pole
Tamil Movie
 Thooya Ullam - 1961


Tari Aankh No Afini
Gujarati Album Song - Soli Kapadiya

ఎప్పుడూ ఒప్పుకోవద్దురా ఓటమి..

   
"ఆశ నీకు అస్త్రమౌను శ్వాస నీకు శస్త్రమౌను 
దీక్షకన్న సారధెవరురా?"

"నింగి ఎంత గొప్పదైన రివ్వుమన్నగువ్వపిల్ల 
రెక్క ముందు తక్కువేనురా"

''నొప్పిలేని నిమిషమేది జననమైన మరణమైన
జీవితాన అడుగు అడుగునా''

విశ్రమించ వద్దు ఏ క్షణం .. విస్మరించవద్దు నిర్ణయం
అప్పుడే నీ జయం నిశ్చయంరా.. 

అద్భుతమైన సాహిత్యంతో మనసుని ఉత్తేజ పరిచే ''సిరివెన్నెల'' గారి
ఈ పాట నాకు చాలా ఇష్టమైన Inspiration Song ..
నాకు ఇష్టమైన పాటని నాకు నచ్చిన చిత్రాలతో చేసిన వీడియో ..

 ఎప్పుడూ ఒప్పుకోవద్దురా ఓటమి

ఎప్పుడూ ఒప్పుకోవద్దురా ఓటమి
ఎప్పుడూ వదులుకోవద్దురా ఓరిమి
విశ్రమించవద్దు ఏ క్షణం .. విస్మరించవద్దు నిర్ణయం
అప్పుడే నీ జయం నిశ్చయంరా
ఎప్పుడూ ఒప్పుకోవద్దురా ఓటమి
ఎప్పుడూ వదులుకోవద్దురా ఓరిమి

నొప్పిలేని నిమిషమేది జననమైనా మరణమైన
జీవితాన అడుగు అడుగునా
నీరసించి నిలిచిపోతే నిమిషమైనా నీది కాదు
బ్రతుకు అంటే నిత్య ఘర్షణ
దేహముంది ప్రాణముంది నెత్తురుంది సత్తువుంది
ఇంతకన్నా సైన్యముండునా
ఆశ నీకు అస్త్రమౌను .. శ్వాస నీకు శస్త్రమౌను
దీక్ష కన్నా సారథెవరురా

నిరంతరం ప్రయత్నమున్నదా .. నిరాశకే నిరాశ పుట్టదా
నిన్ను మించి శక్తి ఏది ..నీకె నువ్వు బాసటయితే

ఎప్పుడూ ఒప్పుకోవద్దురా ఓటమి
ఎప్పుడూ వదులుకోవద్దురా ఓరిమి
విశ్రమించవద్దు ఏ క్షణం .. విస్మరించవద్దు నిర్ణయం
అప్పుడే నీ జయం నిశ్చయంరా

ఎప్పుడూ ఒప్పుకోవద్దురా ఓటమి
ఎప్పుడూ వదులుకోవద్దురా ఓరిమి

నింగి ఎంత గొప్పదైనా రివ్వుమన్న గువ్వపిల్ల
రెక్క ముందు తక్కువేనురా
సంద్రమెంత పెద్దదైన ఈదుతున్న చేప పిల్ల
మొప్ప ముందు చిన్నదేనురా

పిడుగు వంటి పిడికిలెత్తి ఉరుము వల్లె హూంకరిస్తే
దిక్కులన్నీ ప్రిక్కటిల్లురా
ఆశయాల అశ్వమెక్కి ..అదుపులేని కదను తొక్కి
అవధులన్నీ అధిగమించరా

త్రివిక్రమా పరాక్రమించరా .. విశాల విశ్వమాక్రమించరా
జలధి సైతమార్పలేని జ్వాల ఓలె ప్రజ్వలించరా

ఎప్పుడూ ఒప్పుకోవద్దురా ఓటమి
ఎప్పుడూ వదులుకోవద్దురా ఓరిమి
విశ్రమించవద్దు ఏ క్షణం .. విస్మరించవద్దు నిర్ణయం
అప్పుడే నీ జయం నిశ్చయంరా

ఎప్పుడూ ఒప్పుకోవద్దురా ఓటమి
ఎప్పుడూ వదులుకోవద్దురా ఓరిమి

సినిమా  -  పట్టుదల (1992)
సంగీతం - ఇళయరాజా 
లిరిక్స్ - సిరివెన్నెల 
గానం - K.J. ఏసుదాస్

పాటలు .. ప్రశ్నలు

మన సినిమాల్లో హీరో హీరోయిన్లు సంతోషంగా జంటగా పాడుకుంటే అది యుగళ  గీతం, ఇద్దరూ విడి విడిగా ఒకరిని ఒకరు జ్ఞాపకం చేసుకుంటూ పాడితే విరహ గీతం, ఇద్దరూ ఒంటరిగా బాధగా పాడుకుంటే విషాద గీతం..  ఇలా చాలా రకాల పాటలు పాడుతూ వుంటారు. 

 వీటన్నిటికీ భిన్నంగా ఇద్దరూ కలిసి పాడుతూనే విభిన్న భావాలను వ్యక్తం చేస్తూ,ఒకరితో ఒకరు విభేదిస్తూ,ప్రశ్నిస్తూ  పాడుకునే పాటలు కొన్ని ఉంటాయి ... పాత సినిమాల నుండి ఇప్పటిదాకా అలాంటి పాటలు చాలానే వుండి వుంటాయి కానీ నాకు కొన్నే గుర్తొచ్చాయి. అందులో అన్నీ నాకు నచ్చిన,హిట్ సాంగ్సే ఉన్నాయి .. 

"సుమంగళి" 
నాగేశ్వర రావు ,సావిత్రి  పాడుకునే 

కనులు కనులతో కలబడితే ఆ తగవుకు ఫలమేమి
కలలే 

నా కలలో నీవే కనబడితే ఆ చొరవకు బలమేమి
మరులే.. 

ఈ పాట టాప్  1 ప్రశ్నల పాటల్లో ఉంటుంది ఎప్పటికీ   :)

కనులు కనులతో కలబడితే ఆ తగవుకు ఫలమేమి

"స్వర్ణకమలం"  
వెంకటేష్ ' పరధర్మం కన్నా, ఏవో కొన్ని లోపాలున్నా స్వధర్మమే అనుసరించదగినది' అంటే  "పరుగాపక పయనించవే తలపుల నావా కెరటాలకు తల వంచితే తరగదు త్రోవ" అంటూ భానుప్రియ తన అభిప్రాయాలను ఖచ్చితంగా చెప్తుంది...   

శివ  పూజకు చిగురించిన సిరి సిరి మువ్వా

"గోరింటాకు" 
కొమ్మ కొమ్మకో సన్నాయి కోటి రాగాలు ఉన్నాయి ఎందుకీ మౌనం' అని సుజాత అడిగితే 'మనసులో ధ్యానం మాటలో మౌనం'  అని తన ఆలోచనలు తెలియచేస్తాడు శోభన్ బాబు ..  

కొమ్మ కొమ్మకో సన్నాయి కోటి రాగాలు ఉన్నాయి
  

"త్రిశూలం"... 
  భార్యగా గౌరవమైన స్థానాన్ని ఇచ్చిన మీరు రాముడు,దేవుడు అని భార్య  పొగిడితే, నేను రాముడు దేవుడు కాదు 'తోడనుకో నీ వాడనుకో' అని భార్యను ఓదార్చుతూ భర్త  చెప్పే సమాధానం ..

రాయిని ఆడది  చేసిన రాముడివా

"సిరివెన్నెల" 
కాబోయే జీవిత భాగస్వామి అందంగా ఉండాలి. ఇంకా ఎన్నో మంచి గుణాలు ఉండాలని కోరుకుంటారు కదా మీరు నాలో ఏమి చూసి ఇష్టపడ్డారు అన్న ఆమె ప్రశ్నకి "మనసున కొలువై మమతల నెలవై వెలసిన దేవిది ఏ రూపం నా కన్నులు చూడని రూపం గుడిలో దేవత ప్రతిరూపం  నీ రూపం అపురూపం" అంటూ అతడు పాడే  ఈ పాట ఎప్పుడు విన్నా నిజంగా అపురూపంగానే వుంటుంది... 

  

మెరిసే తారలదే రూపం విరిసే పువ్వులదే రూపం 

"మహర్షి" ఒకరు బాధతో,ఒకరు ఆశతో పాడే పాట ఇది . ప్రేమించిన అమ్మాయికి  పెళ్లి అయినా కూడా ప్రేమించే హీరో "నింగీ నేలా తాకే వేళా నీకు నాకు దూరాలేల" అంటే "ఆకాశాన  తీరం అంతే లేని ఎంతో దూరం" అంటుంది హీరోయిన్ .. 

మాటరాని మౌనమిది 
 

  
 "ఖుషీ"

ప్రేమంటే సులువు కాదు అది నీవు గెలవ లేవు అనే హీరోయిన్ తో
నీకోసం ఆకాశాన్ని నేలకు దించుతా అంటున్నాడు హీరో  .. 
 ఈ పాట వీడియోలో పాట మొత్తం రాదు అందుకే ఆడియో పెట్టాను ..

 ప్రేమంటే సులువు కాదురా 

అది నీవు గెలవ లేవురా

"మగధీర" 

వెలుగు దారి చూపింది చినుకు లాల పోసింది వాటితోటి పోలిక నీకేలా 

ఇది హీరోయిన్ సందేహం "అవి బ్రతికున్నప్పుడే తోడుంటాయమ్మా నీ చితిలో తోడై నేనొస్తానమ్మా"నిను పొందేటందుకే పుట్టానే గుమ్మా నువు అందకపోతే వృధా ఈ జన్మ ..అని  ఆమెపై తనకెంత ప్రేముందో హీరో తెలియచేసే ప్రయత్నం  

పంచదార బొమ్మా బొమ్మా

నాకు నచ్చే మరొక పాట  "రాధా - మధు" మా టీవీ సీరియల్ పాట.ఇది సినిమా పాట కాకపోయినా ఒకరు ఆశావాదిగా "కెరటాలు కోటి సార్లు ఎగిరి గగనాన్ని నేలపైకి తేవా" అంటే ,మరొకరు "ఆ  నింగి నేలా ఎదురెదురుగున్నా రెంటికీ సాధ్యమా వంతెనా" అంటూ పాడే  ఈ పాట చాలా బాగుంటుంది ..

ఆగదేనాడు కాలము ఆగినా గడియారము

మనసు చూడతరమా ...

గుప్పెడంత గుప్పెడంత మనసు ... దాని సవ్వడేంటో ఎవ్వరికి తెలుసు ??

మనసు గతి ఇంతే ... మనసున్న మనిషికి సుఖము లేదంతే ... ,
మౌనమే నీ భాష ఓ మూగ మనసా ... ,
మనసున మనసై ... బ్రతుకున బ్రతుకై...,
ఓ మనసా తొందర పడకే ... అంటూ

మనసు కవి ఆత్రేయ గారి దగ్గరి నుండి ప్రతి ఒక్కరూ ఈ మనసును గురించి మాట్లాడకుండా వుండలేరేమో..
"స్వర్గాన్ని నరకంగా ... నరకాన్ని స్వర్గంగా చేయగలిగేది మన మనసే"..

ఇంత గొప్ప మనసును గురించి ఎన్నో సినిమా పాటలు,కవితలు వున్నాయి అలాంటిదే ఈ పాట కూడా ...ఈ పాట ఒకప్పుడు ఈ టీవీ లో సీరియల్ గా వచ్చిన "మనసు చూడతరమా" టైటిల్ సాంగ్ ... నాకు ఇష్టమైన పాట.

మనసు చూడతరమా ...

వూరించకే ... కవ్వించకే ... వేధించకే మనసా ఇలా
బంధాలలో బందీలనే చేశావుగా బతికేదెలా
కరుణించినా కాటేసినా నువ్వే కదా మనసా
నువ్వే మబ్బుల్లో తేలుస్తావో మత్తుల్లో ముంచేస్తావో
నమ్మించి మాయే చేస్తావో ...

అవునంటూ కాదంటూ రేపేవు కలవరమే
ఆరాటమే అనునిత్యమూ
సంతోషం సల్లాపం నీ బొమ్మా బొరుసులుగా
ఆడేవులే ఒక నాటకం
ఓర్పువై ఓదార్పువై ... ఓడితే నిట్టూర్పువై
కష్టాలనే మది ఇష్టాలుగా మలిచేవుగా

మనసు చూడతరమా ... మనసు చూడతరమా

♥♥ ప్యార్ ... ప్రేమ ... కాదల్ ...Love Anthem For World Peace ♥♥

మానవత్వాన్ని మించిన మతం లేదు.. మానవత్వం అంటే బాధల్లో ఉన్నవారి మీద జాలి చూపించటం,ఆపదలో వున్న వారిని ఆదుకోవటం,సాటి ప్రాణిని హింసించి మనం ఆనందించకపోవటం,కులమతాలకు,దేశ భాషలకు అతీతంగా మనుషులందరినీ ప్రేమించగలగటం...ప్రేమ అన్న పదానికి చాలా పరిమితమైన పరిధి అందరికీ వుంటుంది.

ప్రేమ ఇద్దరు ప్రేమికుల మధ్య మాత్రమే కాదు తన కుటుంబాన్ని,తన చుట్టూ వున్న మనుషుల్ని,జీవరాశిని ప్రేమించే వ్యక్తిత్వాన్నే మానవత్వం అంటాము. ప్రేమ ఇద్దరు లేదా కొందరు మనుషుల మధ్య మాత్రమే వుండదు... కొందరు దేవుడిని ప్రేమిస్తారు, కొందరు చేసే పనిని ప్రేమిస్తారు,కొందరు వస్తువులను,ఆస్తులను ప్రేమిస్తారు,కొందరు ఇష్టమైన భోజనాన్ని ప్రేమిస్తారు, ఇలా ప్రేమ అనేక రకాల "భావాల నిధి" అని చెప్పొచ్చు..

సాటి మనిషికి సహాయం చేయటం,ప్రేమించటం అంటే మన ఆస్తిపాస్తులు,కుటుంబం అన్నిటినీ త్యాగం చేయాల్సిన అవసరం లేదు బాధలో వున్న మనిషికి చిన్న ఓదార్పు మాట చెప్పగలగటం, మన మాటలు,చేతల వల్ల సాటి మనిషికి ద్రోహం చేయకపోవటం కూడా మానవత్వమే. కానీ ప్రతి మనిషికీ తనకంటూ కొన్ని ఆలోచనలు వుంటాయి,తన జీవితంలో ఎవరికి ఏమి చెయ్యాలి,ఎవరికి తన ప్రేమను పంచాలి,ఎలా సమాజంలో మనుగడ సాగించాలి అనే విషయంలో ఎవరి పరిధులు వాళ్లకుంటాయి. మనుషులందరూ మదర్ థెరీసా లాగా సంఘ సేవకులు కాలేరు కానీ మానవత్వం వున్న మనుషుల్లాగా దయతో ఎదుటివారిని ఆదరించగలగాలి. ప్రేమ అనేది "మరొకరి సంతోషాన్ని చూసి ఆనందించగలగటం ".

ఒక్కోసారి నాకు అనిపిస్తుంది దేవాలయాలకు,స్వామీజీలకు లక్షలు లక్క్షలు పెట్టి బంగారు కిరీటాలు,తొడుగులు చేయించే అజ్ఞాత భక్తులు ఆ డబ్బేదో ఏదో ఒక అనాధాశ్రమానికో,పేదలకో ఇవ్వొచ్చు కదా,ఆ ఇచ్చిన విరాళాలను తీసుకున్న వారు సక్రమంగా ఖర్చు పెట్టొచ్చుకదా అని... కానీ మళ్ళీ నా మనసుకే అనిపిస్తుంది ఒకరి ఆలోచనలను నియంత్రించటానికి,నిర్ణయించటానికి మనకేమి హక్కుంది?? నా ఆలోచన నాకున్నట్లే ఎవరి రీజనింగ్ వాళ్ళకుంటుంది కదా అని.. "ఇంట గెలిచి రచ్చ గెలవమన్నట్లు" ఏదైనా మనం పాటించి ఎదుటివాళ్ళకి చెప్పటం మంచిది కదా..

"మనుషులంటే రాయిరప్పలకన్న కనిష్టం గానూ చూస్తావేల బేలా?

దేవుడెక్కడో దాగెనంటూ కొండకోనల వెతుకులాడేవేలా?
కన్ను తెరచిన కానబడడో? మనిషి మాత్రుడియందు లేడో?
యెరిగి కోరిన కరిగి యీడో ముక్తి?"
--గురజాడ

ఇప్పుడింతకీ నేను ఈ మానవత్వం, ప్రేమ అన్న విషయాల గురించి ఎందుకు చెప్తున్నానంటే మా తమ్ముడి ఫోన్ కి కాల్ చేస్తే కాలర్ టోన్ గా ఒక పాట వస్తుంది.. అది మన తెలుగు కాదు,తమిళ్ కాదు ఏదేదో వచ్చేస్తున్నాయి.. ఇదేంటా అని ఎన్నిసార్లు విన్నా పాట నాకు అర్ధం కాలేదు. అప్పుడు మా తమ్ముడిని అడిగితె చెప్పాడు అది తమిళ్ హీరో "శింభు" పాడిన "Love Anthem For World Peace" అన్న పాట ఆని చెప్పి, పాట చాలా బాగుందక్కా ,మీనింగ్ బాగుంది నువ్వు కూడా చూడు అని సాంగ్ లింక్ ఇచ్చాడు.

నాకు కూడా ఈ పాట నచ్చింది. ఈ మధ్య ధనుష్,నితిన్ ఇలా సినిమా హీరోలంతా పాటలు పాడేస్తున్నారు కదా అలాంటి ప్రయత్నమే "శింభు" కూడా చేశాడు. ప్రపంచంలోని వివిధ భాషల్లో ప్రేమ అనే పదాన్ని ఉపయోగించి, ప్రపంచవ్యాప్తమైన ప్రేమను, మానవత్వాన్ని కోరుకుంటూ,మనకు వున్న ఈ ఒక్క జీవితాన్ని ద్వేషంతో ,పగలు,ప్రతీకారాలతో వేస్ట్ చేసుకోవద్దని, "All We Need Is Love" అంటూ "శింభు" రాసి తానే స్వయంగా పాడి,27 December 2011 న రిలీజ్ చేసిన ఈ పాట బాగుంది...

♥♥ Love Anthem For World Peace ♥♥

dashuri dashuri
dashuri dashuri
salang salang
leifde leifde
las'ka las'ka

armastus armastus
rakkaus rakkaus
ag'api ag'api
lyubov lyubov

all we need is
love..aai..amour..amour
all we need is
love..aai..amour..amour

all we need is
love..aai..amour..amour
all we need is
love..aai..amour..amour..amour

love is full of energy
love is positivity
we don't need negativity
love to feel humanity

lets not cry and lets not try
hating,hurting and killing each other
we wont get another
life together
oh my brother

all we need is
pyaar..prema..kaadhal
all we need is
pyaar..prema..kaadhal..kaadhal

Music, Lyrics & Sung By
Simbu

All the following words denotes love in different languages.

♥Love - English
♥dashuri - Albanian
♥salang - Korean
♥leifde - Dutch
♥las'ka - Czech
♥armastus - Estonian
♥rakkaus - Finnish
♥ag'api - Greek
♥lyubov - Russian
♥Aai - Chinese
♥Amour - French/Spanish
♥Pyaar - Hindi
♥Prema - Telugu
♥Kaadhal - Tamil

నా ప్రియనేస్తం...

మానవ సంబంధాలు స్వార్ధపూరితమే అయినా కొన్ని బంధాలు జీవితాంతం తోడూ,నీడగా జీవితాన్ని నందనవనం చేస్తాయి జీవితమనే పూలతోటలో కొందరి ఆగమనం వసంతమైతే మరికొందరి ఆగమనం గ్రీష్మం.మనసును బాధించే కష్టమైనా, ఆహ్లాదపరిచే సంతోషమైనా పంచుకునే ఆత్మీయ నేస్తం ఒకరు తమకంటూ ఉండాలని ప్రతి మనిషీ కోరుకుంటారు ...అలాంటి ఆత్మీయనేస్తమే 
ఈ "నా ప్రియనేస్తం"

 నా ప్రియ నేస్తం....

ప్రపంచం అంతా దూరం అయినా...,
నీకు ‘నేను’ ఉన్నా అని చెప్పేదే  

నిజమైన స్నేహం...
 

ఆ స్ధానంలో “నాకు నువ్వు” “నీకు నేను” 

ఒకరికొకరం...,
మన స్నేహమే మన ప్రపంచం

“నువ్వు” అనే ఈ రెండక్షరాలే 

నా చేయి పట్టి నడిపిస్తుంటే
" నువ్వు" అనే ఈ రెండక్షరాలే 

నా జీవితానికో మార్గాన్ని వేస్తుంటే
 

" నువ్వు"అనే ఈ రెండక్షరాలే 

నన్ను ఇంతగా ప్రభావితం చేస్తుంటే

ఇంతకు ముందెపుడూ నేనెరుగని 
మమతానుబంధమేదో
నువ్వు నా చుట్టూ పెనవేస్తుంటే.....

నా ప్రతి అడుగులో 
నువ్వు తోడు వున్నావనే భావన 

ఎంతో ఊరటనిస్తుంటే 

సృష్టిలోనే తీయనైన నీ స్నేహ మాధుర్యాన్ని 

నాకు చవిచూపిస్తుంటే

నిన్నటిదాకా కదలనని మొరాయించిన కాలం 
నీ ఆగమనంతో వేగంగా
యుగాలు కూడా క్షణాల్లా కరిగి పోతుంటే ...
 
నిలువెత్తు నీ రూపాన్ని భద్రంగా 
నా గుండెల్లో దాచుకొని....,

ఏవేవో అంతులేని ఆలోచనలతో 
సతమతమవుతున్న నా మనసుకి చెప్తున్నా... 
ఇదిగో "నీ ప్రియ నేస్తం" అని

నీ నవ్వు చెప్పింది నాకు నేనెవ్వరో ఏమిటో..
నీ నీడ చూపింది నాలో ఇన్నాళ్ళ లోటేమిటో



సినిమా - అంతం
సంగీతం - కీరవాణి
లిరిక్స్ - సిరివెన్నెల
సింగర్ - S.P.బాలు

అమీర్ ఖాన్ - సత్యమేవ జయతే..

దేశ సంస్కృతిని ప్రతిబింబిస్తూ ,ప్రజల్లో సమాజం పట్ల అవగాహనను కలిగించి,వ్యవస్థ లోని లోపాలను తెలియచేసేలా ఒక మంచి రియాలిటీ షో "అమీర్ ఖాన్ - సత్యమేవ జయతే"...హిందీ,తెలుగు, తమిళ, కన్నడ, మలయాళ...ఇలా అన్ని భాషల్లో 'సత్యమేవ జయతే' కార్యక్రమం మే 6 నుండి ప్రతి ఆదివారం ప్రసారం అవుతుంది..

ఈ కార్యక్రమం కోసం అమీర్ ఖాన్ మన దేశమంతా తిరుగుతూ వివిధ వర్గాలకు చెందిన ప్రజలను కలుసుకున్నారట.ఈ ప్రోగ్రాం కోసం తయారు చేసిన టైటిల్ సాంగ్ చాలా బాగుంది. నాకు అమీర్ ఖాన్ ఫేవరేట్ ఆర్టిస్ట్,
ఇప్పుడు అమీర్ చేస్తున్నది మన దేశానికి,ప్రజలకి సంబంధించిన ఒక మంచి కార్యక్రమం "మన జీవితం బాగుంది కదా ఇంక ఎదుటి వాళ్ళ తో మనకెందుకు" అని అనుకోకుండా ,నేను కూడా ఈ సమాజం లో ఒక భాగమే కాబట్టి,నా వంతుగా ఏదైనా చేయాలన్న ఆలోచనతో ... మనుషుల మనస్సులో,ఆలోచనల్లో కొంతైనా మార్పు తీసుకురావాలన్న ఒక సదుద్దేశ్యంతో నేను ఈ కార్యక్రమం చేస్తున్నాను అని చెప్తున్నారు అమీర్ ఖాన్..

అమీర్ ఖాన్ చేస్తున్న ఈ ప్రయత్నాన్ని అభినందిస్తూ, వెయ్యి మైళ్ళ ప్రయాణమైనా ఒక్క అడుగుతో మొదలు పెడతాం కాబట్టి ఈ ప్రయత్నం విజయవంతం కావాలని కోరుకుంటూ..
ఇప్పటి నుండి ప్రతి వారం ఈ "సత్యమేవ జయతే" షో చూడాలని నిర్ణయించుకున్నాను.

Aamir's Satyamev Jayate
A Love Song To India

నీ సౌరభం సమ్మోహనం ... నీ తోటిదే నా జీవితం
నా హృదయమూ నీకంకితం
వేరెవరికీ అది దుర్లభం

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

నీవే నేర్పావూ ... నీ జాతికి అర్ధం
నీ వరములో దాచానూ ... నా జీవిత పరమార్ధం
సత్యమేవ సత్యమేవ సత్యమేవ జయతే
సత్యం నా ప్రేమా ... సత్యమేవ జయతే
సత్యమేవ సత్యమేవ సత్యమేవ జయతే

నీ కాంతిలో నీ క్రాంతిలో ... నే తప్పనూ దారెన్నడూ
నా యత్నమూ ... ధృఢ చిత్తమూ
పూదోటయే ఎల్లప్పుడూ
నీ బాటలో చిక్కుల్ని నే ... విడదీస్తూ దరి చేరతా
నీ ప్రేమయే అలరించగా ... సుస్వరములో నే పాడతా

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

నీవే నేర్పావూ ... నీ జాతికి అర్ధం
నీ వరములో దాచాను నా జీవిత పరమార్ధం
సత్యమేవ సత్యమేవ సత్యమేవ జయతే
సత్యం నా ప్రేమా... సత్యమేవ జయతే
సత్యమేవ సత్యమేవ సత్యమేవ జయతే

నీ సౌరభం సమ్మోహనం ... అహ మధురమూ
అది మదిరమూ
చల్లావూ విత్తు నీవే ... ఈ అంకురం ఆ ఫలితమూ
నను నన్నుగా దరి చేర్చుకో ... అని అననులే ఏ నాటికీ
నీ దరికి చేరే అర్హత సాధిస్తా ముమ్మాటికీ

నా ఊపిరీ నా స్పందనా ... ఈ జీవితం నీ కోసమే
ప్రతి సఫలతా ... ప్రతి విఫలతా
ప్రతి యత్నమూ నీ నామమే
నే మారతా ... నీ కోసమూ...

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

సత్యమేవ సత్యమేవ సత్యమేవ జయతే
సత్యం నా ప్రేమా... సత్యమేవ జయతే
సత్యమేవ సత్యమేవ సత్యమేవ జయతే

గురి చెయ్యి నన్ను పరీక్షకీ
లోపాలు తెలుపు నా ఆత్మకీ
లొసుగున్ననూ ... ముసుగెందుకు
సత్యాన్ని చూసి బెదురెందుకూ...

నను మార్చుకోవలసొచ్చినా ... నే మారతా నీ కోసమూ
నే నిప్పుపై నడవాల్సినా ... నే నడుస్తా నీ కోసమూ
నీ ప్రేమయే సంకల్పమూ
నా రక్తమూ ప్రతి చుక్కలో ... నా మేనిలో రుధిరమ్ములో
నీ సౌరభం ప్రతి ... ధారలో

ఈ మోహమూ ... ఈ దాహమూ
మోహమనే ఈ దాహమూ
అణువణువునా అలరారేనూ
నీ ప్రేమయే సర్వస్వము

సత్యమేవ సత్యమేవ సత్యమేవ జయతే
సత్యం నా ప్రేమా... సత్యమేవ జయతే
సత్యమేవ సత్యమేవ సత్యమేవ జయతే

మ్యూజిక్ డైరెక్టర్ : రామ్ సంపత్
లిరిక్స్ : V . చక్రవర్తి
సింగర్స్ : రామన్ మహదేవన్, రాజీవ్ సుందరేసన్

Satyamev Jayate - 6th May 2012

తెలుసుకో నువ్వే ...నా కళ్ళనే చూసి

"కూరిమి గల దినములలో" అన్న పద్యం భార్యా భర్తలకు కూడా వర్తిస్తుంది కదా..
పెళ్ళైన కొత్తల్లో ఏ తప్పైనా చిన్నగా,మురిపెంగా అనిపిస్తుంది .. అదే తప్పు కొంతకాలానికి
మహా అపరాధంగా అనిపిస్తుంది.
భార్యా భర్తల మధ్య గొడవలు గడప దాటకూడదు అనేది ఒకప్పటి మాట..
కానీ ఇప్పుడు అవి గడపలు,గేట్లు అన్నీ దాటి పోయి ... కేసులు, కౌన్సిలింగ్ సెంటర్ల దాకా
కూడా వెళ్లక తప్పని పరిస్థితులు వచ్చేసాయి..

ఇప్పుడు కౌన్సిలింగ్ సెంటర్లు చేస్తున్న పనిని ఒకప్పుడు మన పెద్దలే చేసేవారు.
ఎన్ని గొడవలు ఉన్నా బంధువులు,స్నేహితులు సర్దుబాటు చేసేవారు..
కానీ ఇప్పుడు అలాంటి పరిస్థితులు లేవు కదా!!
చిన్న చిన్న కారణాలకే భార్యా భర్తలు శత్రువులుగా మారిపోతున్నారు.
వాళ్ళని సరిచేయకపోగా,ఇంకా రెచ్చ గొట్టే వాళ్ళు కూడా ఎక్కువయ్యారు..

ఏది ఏమైనా భార్యా భర్తల మధ్య చిన్న చిన్న గొడవలు,అలకలు,మౌనాలు సహజం..
కానీ ఒక్కోసారి అవి శ్రుతి మించితే మళ్ళీ సరి చేసుకోవటం చాలా కష్టం.
శ్రీమతికి,శ్రీవారికి ఎన్ని గొడవలు వచ్చినా మౌన వ్రతాలు ,కక్ష సాధింపులు
ఎన్ని చేసినా ...ఆయనే నన్ను పలకరిస్తే బాగుంటుంది కదా అని శ్రీమతికి,
తనే నాతో మాట్లాడొచ్చు కదా అని శ్రీవారికి ఇద్దరికీ అనిపిస్తుంది.

అన్యోన్యంగా వుండే భార్యా భర్తల మధ్య వచ్చిన మనస్పర్ధలతో.. బాధపడుతున్న
ఇద్దరూ ఒకరి గురించి ఒకరు ఆలోచిస్తూ, నా మనసులోని భావాలను నా కళ్ళ ద్వారా
తెలుసుకోలేవా ?? అంటూ మనసులోనే ఒకరినొకరు ప్రశ్నిస్తూ పాడుకునే...
"కావ్యాస్ డైరీ"లో "తెలుసుకో నువ్వే" పాట చాలా బాగుంటుంది..

తెలుసుకో నువ్వే ...నా కళ్ళనే చూసి

తెలుసుకో నువ్వే నా కళ్ళనే చూసి
తెలుసుకో నన్నే నీ గుండెనే తెరిచి
తెలపాలి నువ్వైనా  తెలపాలి నువ్వైనా
నేనే తెలుపలేకున్నా

తెలుసుకో నువ్వే నా కళ్ళనే చూసీ
నీ చేరువై నేనుండగా 
 ఈ దూరమేమిటో ఇంతగా
అనుకొనే నా మనసునే వినవా

నీ శ్వాస సోకితే చాలనే 
 ఆ ఆశ ఇంకిపోలేదనే
నిజమునే నీ పెదవితో అనవా

తలుచుకుంటాను నువ్వు నను  
తలిచేవని ఈ క్షణం
నిదురలేస్తాను ఎదురుగా  
కదలేవనీ ఈ దినం

నేనే...

అపుడేమో పెదవిపై నవ్వులే
ఇపుడేమో నవ్వులో నలుపులే
ఎందుకా చిరునవ్వులో మసకా

అపుడెంత కసిరినా మామూలే 
 ఇప్పుడేమి జరిగినా మౌనమే
ఎందుకే నీ మాటలో విసుగా

కలిసి రావాలి వెంటనే కాలాలు మనకోసమై
దరికి చేరాలి అంతలో భారాలు మమకారమై

నేనే ... తెలుపలేకున్నా
నీతో నేనే తెలుపలేకున్నా

"ఒక మనసుకు ఒక మనసని అనుకుంటే స్వర్గం "

"మౌనమే నీ భాష ఓ మూగ మనసా" అంటూ..."బాధపడే సమయంలో మనసు భాష మౌనమని"
"గుప్పెడు మనసు" సినిమాలో,
"కళ్ళలో ఉన్నదేదో కన్నులకే తెలుసు" అంటూ..."కళ్ళలో ఉన్న బాధ కళ్ళకే తెలుస్తుందని"
"అంతులేని కధ" సినిమాలో ...
సగటు మనిషి జీవితంలోని కష్టనష్టాలను, ఆ కష్టానికి మనసు పడే వేదనను అద్భుతంగాఆవిష్కరించగల గొప్ప దర్శకుడు కే.బాలచందర్.హృదయ వేదనని మనసు పాటల్లో పలికించిన బాలచందర్ గారి సినిమాల్లో నాకు నచ్చిన మరొక సినిమా "ఇది కధ కాదు" .

ఈ సినిమాలో పాటలు అన్నీ బాగుంటాయి. ఇందులో ఒక పాట నేను కొత్తగా విన్నాను.
పాటలోని సాహిత్యం జీవితానికి అన్వయించి ఉంటుంది.
"ఒక మనసుకు ఒక మనసని అనుకుంటే స్వర్గం " అంటూ మొదలై
ప్రతి మాపూ ఒక రేపై తెరవాలి తలుపు
ఏ రేపో ఒక మెరుపై తెస్తుందొక మలుపు" అని ముగిసే ఈ పాట వింటుంటే
ఇది కూడా ఒక ఇన్స్పిరేషన్ సాంగ్ అనిపించింది. నాకు నచ్చిన పాట.

తకధిమితక ధిమితకధిమి




తకధిమితక ధిమితకధిమి తకధిమి తక ధింధిం

జత జత కొక కధ ఉన్నది చరితైతే ఝం ఝం

తకధిమితక ధిమితకధిమి తకధిమి తక ధింధిం

జత జత కొక కధ ఉన్నది చరితైతే ఝం ఝం

ఒక ఇంటికి ముఖ ద్వారం ఒకటుంటే అందం
ఒక మనసుకు ఒక మనసని అనుకుంటే స్వర్గం 
ఒక ఇంటికి ముఖ ద్వారం ఒకటుంటే అందం
ఒక మనసుకు ఒక మనసని అనుకుంటే స్వర్గం

తకధిమితక ధిమితకధిమి తకధిమి తక ధింధిం

జత జత కొక కధ ఉన్నది చరితైతే ఝం ఝం

ఈ లోకమొక ఆట స్థలము ... ఈ ఆట ఆడేది క్షణమూ 
ఈ లోకమొక ఆట స్థలము ... ఈ ఆట ఆడేది క్షణమూ
ఆడించు వాడెవ్వడైనా ... ఆడాలి ఈ కీలుబొమ్మా 
ఆడించు వాడెవ్వడైనా ... ఆడాలి ఈ కీలుబొమ్మా

ఇది తెలిసీ తుది తెలిసీ ఇంకెందుకు గర్వం
తన ఆటే గెలవాలని ప్రతి బొమ్మకు స్వార్ధం 
ఇది తెలిసీ తుది తెలిసీ ఇంకెందుకు గర్వం
తన ఆటే గెలవాలని ప్రతి బొమ్మకు స్వార్ధం

తకధిమితక ధిమితకధిమి తకధిమి తక ధింధిం

జత జత కొక కధ ఉన్నది చరితైతే ఝం ఝం

వెళ్తారు వెళ్ళేటి వాళ్ళు ... చెప్పేసెయ్ తుది వీడుకోలూ
ఉంటారు రుణమున్న వాళ్ళూ ... వింటారు నీ గుండె రొదలు
కన్నీళ్ళ సెలయేళ్ళు కాకూడదు కళ్ళు
కలలన్నీ వెలుగొచ్చిన మెలుకువలో చెల్లు

ఏనాడు గెలిచింది వలపూ ... తానోడుటే దాని గెలుపూ 
ఏనాడు గెలిచింది వలపూ ... తానోడుటే దాని గెలుపూ
గాయాన్ని మాన్పేది మరుపు ... ప్రాణాల్ని నిలిపేది రేపూ 
గాయాన్ని మాన్పేది మరుపు ... ప్రాణాల్ని నిలిపేది రేపు

ప్రతి మాపూ ఒక రేపై తెరవాలి తలుపు
ఏ రేపో ఒక మెరుపై తెస్తుందొక మలుపు
ప్రతి మాపూ ఒక రేపై తెరవాలి తలుపు
ఏ రేపో ఒక మెరుపై తెస్తుందొక మలుపు

తకధిమితక ధిమితకధిమి తకధిమి తక ధింధిం

జత జత కొక కధ ఉన్నది చరితైతే ఝం ఝం
ఒక ఇంటికి ముఖ ద్వారం ఒకటుంటే అందం
ఒక మనసుకు ఒక మనసని అనుకుంటే స్వర్గం 

సినిమా : ఇది కధ కాదు
డైరెక్టర్ : K.బాల చందర్
సంగీతం : M S విశ్వనాథన్
సింగర్ : S.P.బాలు

స్మితా - ఇషానా

 

తెలుగు పాప్ సింగర్ స్మిత ఇప్పటిదాకా ఓల్డ్ తెలుగు సాంగ్స్ ని రీమిక్స్ చేసిన సింగర్ గా,ప్లేబ్యాక్ సింగర్ గా తెలుసు. కానీ ఇప్పుడు స్మిత తన "శైలికి భిన్నంగా" Devotional ఆల్బమ్ తయారు చేశారు.నాకు ఈ మ్యూజిక్ ఆల్బమ్ నచ్చటానికి ముఖ్యమైన కారణం ఈ ఆల్బమ్ లోని పాటలు కోయంబత్తూర్ లోని సద్గురు ఆశ్రమంలోని ధ్యానలింగం, లింగభైరవి ఆలయాలలో చిత్రీకరించారు.ఇషా ఫౌండషన్ గురించి తెలుసుకున్నప్పటి నుండి నాకు సద్గురు ఆశ్రమంలోఈ దేవాలయాలు ఎంతగానో నచ్చాయి.ఇంతకుముందు నా బ్లాగ్ లో ఈ ఇషా ఫౌండషన్ గురించి కూడా రాశాను.

http://raji-rajiworld.blogspot.in/2012/01/vs.html

ఆ ఆశ్రమం పరిసరాల్లో,ఆలయాల్లోని ప్రశాంతమైన ఆధ్యాత్మిక వాతావరణంలోస్మిత తయారు చేసిన ఇషానా ఆల్బమ్ లో పాటలు,స్తోత్రాలు బాగున్నాయి.ఈ పాటల ద్వారా ఆశ్రమాన్ని, ఆలయంలోని ధ్యానలింగాన్ని, అమ్మవారిని,అక్కడి ఉత్సవాలను,పూజలను చూడటం చాలా బాగుంది..ఈ వీడియోలను చూస్తుంటే తప్పకుండా వెళ్లి ఆ ఆశ్రమాన్ని.ఆలయాలను చూడాలి అనిపిస్తుంది.

 
ఓం నమః శివాయ .. మహాదేవాయ నమః 

అంబా శాంభవి

దేవత నీవే ... నా దేవత నీవే...!

ప్రేమ... ఒకరి గురించి మరొకరి మనసులో ఏర్పడే ఒక అద్భుతమైన భావన.

ప్రేమించిన వాళ్ళకోసం ఏమైనా సరే చేయాలనుకోవటం, వాళ్ళ కోసమే బతకాలనుకోవటం
జీవితాంతం ఒకరికొకరుగా జీవించాలనుకోవటం ఇదేనేమో ప్రేమంటే..

దేవత నీవే ... నా దేవత నీవే...,నిన్నుకంటికి రెప్పలా కాపడుతాను అంటూ
ఒక ప్రేమికుడు ప్రియురాలికి తన మనసులోని ప్రేమను వ్యక్తం చేస్తూ పాడే ఈపాట
విశాల్, ప్రియమణి హీరో హీరోయిన్స్ గా నటించిన "భయ్యా" సినిమాలోది.
మంచి సాహిత్యం,సంగీతం ఈ పాట లో ప్రత్యేకత.
అందుకే ఈ పాట నాకు నచ్చిన పాట.

దేవత నీవే ... నా దేవత నీవే...

దేవత నీవే ... నాదేవత నీవే
కనుపాపగా కాస్తా నిన్నే రెప్పనై
నాజత నీవే ఇక నాజత నీవే
ఎడబాయక ఉంటా తోడూ నీడనై

నీలో నేను సగములే నీవే నాకు జగములే
నీతో యుగమే క్షణములే
ఇది మన మనసుల కలయిక కదా
దేవత నీవే ... నాదేవత నీవే
కనుపాపగా కాస్తా నిన్నే రెప్పనై

చినుకై వచ్చి ... నీకోసం పుడమై పోతాను
నదిలా వచ్చి ... నీకోసం కడవై పోతాను
కలలా వచ్చి ... నీకోసం కన్నై పోతాను
ఉలిలా నన్ను తాకావో ... శిల్పాన్నవుతాను

నీఊపిరి తో ఈవెదురైన వేణువు కాదా
నీ చూపులతో ఈ వేసవిలో వెన్నెల రాదా
సూర్యుని చుట్టూ భూమిలా నీ చుట్టూ నే తిరగనా
నీవే నేనై బ్రతకనా ... తలపుల తలుపులు తెరిచిన చెలి

జోరున కురిసే వానల్లో ఎండే నువ్వంటా
నిప్పులు చెరిగే ఎండల్లో వానే నువ్వంటా
ఏకాంతాన్ని వెలివేసే తోడే నువ్వంటా
శో కాలన్నీ తరిమేసే జాడే నువ్వంటా

నీ నవ్వుల్లో పూచేటీ పువ్వైపోనా
నీ నడకల్లో మోగేటీ మువ్వైపోనా
గుడిలో వెలసిన రూపమో గుండెలో వెలిగే దీపమో
పంచే తీయని తాపము
వలపుల పిలుపులు తెలిపిన మది

దేవత నీవే ... నాదేవత నీవే
కనుపాపగా కాస్తా నిన్నే రెప్పనై
నాజత నీవే ఇక నాజత నీవే
ఎడబాయక ఉంటా తోడూ నీడనై

నీలో నేను సగములే నీవే నాకు జగములే
నీతో యుగమే క్షణములే
ఇది మన మనసుల కలయిక కదా