![](https://blogger.googleusercontent.com/img/b/R29vZ2xl/AVvXsEge5WbhlQMeFEZKGSENAPZMU6cDeS8y7kX4rSOPpUUI07sgNEHEg03sgvfvXADa4wIX8D2rDaMLsPalDIJ0HV_TkRKOcqWdK4IdN4XpTjSsJONKg4jv6l_5eGj5cbNRaSLT4xgkXSSsI9uv/s400/Village-lo-Vinayakudu.jpg)
ఈ రోజు జీ తెలుగు లో విలేజ్ లో వినాయకుడు సినిమా చూశాక ఆ సినిమా గురించి
నా బ్లాగ్ లో రాద్దామనిపించింది..
నాకు ఇష్టమైన సినిమాల్లో ఇది కూడా ఒకటి.
చక్కని పల్లెటూరి వాతావరణంలో తీసిన ఈ సినిమాలో హీరో (కార్తీక్) కృష్ణుడు కిండర్ గార్డెన్ టీచర్.
హీరోయిన్ కావ్య ( శరణ్యా మోహన్) మెడికో ఇద్దరు మంచి స్నేహితులు, ప్రేమికులు.
వాళ్ళ ప్రేమ విషయం తండ్రికి చెప్పి పెళ్ళికి ఒప్పించటానికి ఇంటికి వచ్చిన కావ్య తన పిన్ని,బాబాయిలు అందరికీ
ఈ విషయం చెప్పి వాళ్ళ పెళ్ళికి తండ్రిని ఒప్పించమని అడిగేలోపే కార్తీక్ కావ్య వాళ్ళ ఇంటికి వచ్చేస్తాడు.
లావుగా వున్న కార్తీక్ ని చూసిన అందరూ ఈ పెళ్లి మాకిష్టం లేదని చెప్పేస్తారు.
ఇంక కావ్య తండ్రికి కావ్యకి కాబోయే భర్త మీద ఎన్నో ఆశలు కోరికలు వుంటాయి
అల్లుడు పెద్ద హోదాలో వుండాలని డిసిప్లిన్ వుండాలని,అందగాడై వుండాలని ఇలా ఎన్నో..
అంతగా అల్లుడిని ఊహించుకున్న అతనికి కార్తీక్ ని చూడగానే ఎక్కడలేని కోపం వచ్చేస్తుంది.
అతన్ని ఎలాగైనా వెళ్ళగొట్టాలని తన స్నేహితుడైన యండమూరి వీరేంద్రనాథ్ కి చెప్తాడు.
అందులో భాగం గా యండమూరి ఎన్నో ప్రయత్నాలు చేస్తుంటాడు..
ఇటు కార్తీక్ ఆ కుటుంబం లో ఒకడిగా కలిసిపోవాలని వాళ్ళ ప్రేమాభిమానాలను పొందటం కోసం,
ప్రయత్నిస్తుంటాడు.
అందులో భాగంగానే ఇంట్లో కొన్ని విషయాల్లో జోక్యం చేసుకున్న కార్తీక్ ని ఇంటినుంచి వెళ్ళగొడతాడు కావ్య తండ్రి.
చివరికి కార్తీక్ మంచితనాన్ని అర్ధం చేసుకున్న కావ్య వాళ్ళ నాన్న పెళ్లి జరిపించటంతో ఈ కధ సుఖాంతమవుతుంది.
ఇంక ఈసినిమాలో మనసులో ఏదున్నా చెప్పేసే..అమాయకమైన,ఎదుటి వాళ్ళ బాధను అర్ధం చేసుకునే
వ్యక్తిగా,చిన్నపిల్లాడి మనస్తత్వం తో కార్తీక్ నటన చాలా బాగుంటుంది.
యండమూరి కావ్య తండ్రికి ఆస్తి లేదు అప్పుల్లో వున్నారని చెప్పినప్పుడు తెగ ఫీల్ అయ్యి ,
ఇంటికి వచ్చి వాళ్ళ కష్టాల్లో పాలుపంచుకోవాలని ప్రయత్నించే కార్తీక్ కారెక్టర్ చాలా బాగుంటుంది.
నాకు ఇలాంటి కారెక్టర్స్ చూసినప్పుడు అనిపిస్తుంది వాస్తవంగా ఇలాంటి వాళ్ళు ఉంటారా అని..
ఇంక ఈ సినిమాలో కావ్య తండ్రి లాంటి తల్లిదండ్రులకి ఈ లోకంలో కొదువ లేదు ...
అల్లుడి ఆస్తిపాస్తులు,వుద్యోగం,హోదాలకి ఇచ్చినంత ప్రాముఖ్యత అతని మనస్తత్వానికి ఇవ్వరు.
వాళ్ళు కష్టపడ్డా వాళ్ళమ్మాయి సుఖంగా వుండాలని ఎంత కట్నాలైనా ఇచ్చి పెళ్లి చేస్తారు..
ఎంత గొప్ప స్థాయిలో వున్నా,ఆస్తిపాస్తులున్నా మంచి మనసు,ప్రేమ ,
ఎదుటి వాళ్ళ హృదయానికి తగినట్లు స్పందించే గుణంలేని వాళ్ళతో కూతురు పడే కష్టాన్ని
చూసిన తల్లిదండ్రులు తర్వాత ఎంత బాధపడినా వాళ్ళు చేసిన తప్పు సరిదిద్దుకోలేరు.
అమ్మాయిలూ,తల్లిదండ్రులు తెలుసుకోవాల్సింది ఒకటే అబ్బాయిల అందంలో,ఆస్తిపాస్తుల్లో,
హోదాలో మాత్రమే సుఖసంతోషాలు లేవు..
జీవితం అంటే ప్రేమించటం ... ప్రేమించబడటం.
"Love means each person is free
to follow his or her own heart."
చినుకై వరదై సెలయేటి తరగై...
ఉరికే మదిని కడలల్లె కరిగించి కలిపేసుకున్నావు..
to follow his or her own heart."
చినుకై వరదై సెలయేటి తరగై...
ఉరికే మదిని కడలల్లె కరిగించి కలిపేసుకున్నావు..
![](https://blogger.googleusercontent.com/img/b/R29vZ2xl/AVvXsEjnRzp6VH10j-c9QFUufM2Q3zW6zhu95SzmlronFszOlM-vz1J_KhrqZuYZ1WqKB3a0JfcwmDriu-kfgoc9ZlVfHK6eK91eY1miGjh8LFDQsVlFvs4Lo5YVARNt4O6oMVgv-ccPiVG8pfea/s400/08565922AC7D8CDAC36F30A457014CF5.png)
14 కామెంట్లు:
హీరోయిన్ బాగుంటుంది కదూ, హీరో కూడా బాగున్నాడులే. మంచి సినిమానే....
చక్కని వ్యాఖ్యానం రాజి గారూ! ఈ సినిమా ఎక్కువ శాతం దిండి రిసార్టులో తీసారు. కోనసీమ అలా కళ్ళముందు కదులుతుంటే మనసుకి ఏదో తెలియని ప్రశాంతత నాకు.
I am a soldier by chance కాని నువ్వలా కాదు You are a teacher by choice అంటాడు. జస్ట్ లవ్ దట్ డైలాగ్.
జయ గారూ అవునండీ ..హీరోయిన్ బాగుంటుంది,
హీరో బాగుంటాడు,సినిమా కూడా బాగుంటుంది.
మీ స్పందనకు థాంక్యూ ..
రసజ్ఞ గారూ థాంక్యూ..
ఈ సినిమాలో కోనసీమ అందాలు చాలా బాగుంటాయండీ..
కానీ ఇంతవరకు నాకు కోనసీమ చూసే అవకాశం రాలేదు
ఎప్పుడైనా వెళ్ళిరావాలి.
నిజంగా మంచి డైలాగ్ గుర్తు చేశారు థాంక్యూ!
ఈ సినిమాను ఇప్పుడు చూసారా మీరు...
ఈ సారికి అందరూ చూసేశారు ఈ సినిమాను...
మండుటెండల్లో తిరిగి తిరిగి, ఇంటికి వచ్చినప్పుడు చల్లని మజ్జిగ ఇస్తే ఎలాగుంటుందో...
అలా ఉంటుందండీ ఈ సినిమా, ఇప్పుడున్న సినిమాలతో పోల్చుకుంటే....
"రాజీవ్ రాఘవ్" గారూ సినిమా ఎప్పుడో చూశానండీ కానీ సినిమా గురించి ఇప్పుడే రాయాలనిపించింది.
"విలేజ్ లో వినాయకుడు" గురించి మీ అభిప్రాయం చక్కగా తెలియచేశారు..థాంక్యూ ..
విశ్లేషణ బాగుంది.పల్లెలో వీచిన పిల్లతెమ్మర మీ కథాకథనం.
C.ఉమాదేవి గారూ నా చిన్నిప్రపంచానికి స్వాగతమండీ..
మీ స్పందనకు ధన్యవాదములు..
రాజీ గారూ మా ఇంటికొచ్చేయండి.. సరదాగా కోనసీమ అంతా తిరిగేసి వచ్చేద్దాం.. నాక్కూడా ఇష్టమే ఈ సినిమా అంటే.మీ వ్యాఖ్యానం చూసాక ఇంకా నచ్చేసింది.
సుభ గారూ..మీరు అంత ఆత్మీయంగా పిలిస్తే
నేను రాకుండా వుంటానా
తప్పకుండా వస్తానండీ..
నా వ్యాఖ్యానం నచ్చినందుకు ThankYou.
మీరు మీరు పిలుచుకుంటే మమ్ముల్ని ఎవరు పిలుస్తారు... పండుగ వచ్చింది స్నేహితలను పిలిచి న్యూ డ్రెస్ పెట్టి పిండి వంటలు చేసి తిపిన్ లో పెట్టి ఇదాం అని లేనే లేదు.. మీరు పిలువక పోయిన పరవాలేదు మేము వచ్చేస్తున్నాం హి హి హి :):)
రాజి గారూ
అయ్యో! ఎప్పుడూ కోనసీమ చూడనే లేదా? మా ఇంటికి రండి ఎంచక్కగా మన తెలుగు పాటలు పాడుకుంటూ చుట్టూ ఉన్న అన్ని ఊర్లూ తిప్పి చూపిస్తా!
"తెలుగుపాటలు"గారూ..
మిమ్మల్ని కూడా తప్పకుండా పిలుస్తామండీ..
మా కుటుంబ సభ్యులందరితో కలిసి పండుగ
ఆనందంగా జరుపుకోవచ్చు :)
రసజ్ఞ గారూ చాలా థాంక్సండీ..
ఇందాకే సుభాగారు పిలిచారు ఇంటికి రమ్మని.
ఇప్పుడు మీరు..
మీరందరూ ఇంత అభిమానంతో పిలిస్తున్నారు కదా
తప్పకుండా వస్తాను.
ఇంతకు ముందు కోనసీమ ఒక్కటే చూడాలనిపించేది కానీ ఇప్పుడు నా మంచి స్నేహితులని చూడటానికి కూడా రావాలనుకుంటున్నాను.
కామెంట్ను పోస్ట్ చేయండి