శ్రీ సీతారాముల కళ్యాణము .. నా చిన్నిప్రపంచంలో ...!

రామా కనవేమిరా! శ్రీ రఘురామ కనవేమిరా...!

రమణీ లలామ నవలావణ్యసీమ,
ధరాపుత్రి, సుమగాత్రి! ధరాపుత్రి, సుమగాత్రి
నడయాడి రాగా...! రామా కనవేమిరా!


సీతాస్వయంవరం ప్రకటించిన పిమ్మట జనకుని కొలువులో ప్రవేశించే జానకినీ,
సభాసదులందరూ పదే పదే చూడగా...
శ్రీరామచంద్రమూర్తి ... కన్నెత్తి చూడడేమని అనుకుంటున్నారటా,
తమలో సీతమ్మ అనుంగు చెలికత్తెలు.

రామా కనవేమిరా! శ్రీ రఘురామ కనవేమిరా...
రమణీలలామ నవలావణ్యసీమ,ధరాపుత్రి, సుమగాత్రి
ధరాపుత్రి, సుమగాత్రి నడయాడి రాగా...
రామా కనవేమిరా...


ముసిముసి నగవుల రసిక శిఖామణులూ..
సా ని ద మ ప మ గ రి స
ఒసపరి చూపుల అసదృశ విక్రములు..
స గ రి గ మ ని ద మ ని ని
ముసిముసి నగవుల రసిక శిఖామణులూ..
థా థకిట థక ఝణుత
ఒసపరి చూపుల అసదృశ విక్రములు..
థక ఝణు థకధిమి థక
మీసం మీటే రోష పరాయణులూ..
నీ ద మ ప మా గ రి గ
మా సరి ఎవరను మక్త గుణోల్బణులు...


క్షణమే ఒక దినమై...నిరీక్షణమే ఒక యుగమై...
తరుణి వంక, శివధనువు వంక, తమ తనువుమరచి,
కనులుతెరచి, చూడగ... రామా కనవేమిరా...


ముందుకేగి, విల్లందబోయి, ముచ్చెమటలు పట్టిన దొరలూ...భూవరులూ!
తొడగొట్టి, ధనువుచేపట్టి, బావురని గుండెలుజారిన విభులు
విల్లెత్త లేక, మొగమెత్తాలేక, సిగ్గేసిన నరపుంగవులు
తమ వొళ్ళు విరిగి, రెండు కళ్ళూ తిరిగి, ఒగ్గేసిన పురుషాగ్రణులూ

ఎత్తేవారు లేరా? అ విల్లు ఎక్కుపెట్టే వారులేరా?!
థైయకు థాధిమి థా!


రామాయా...రామభద్రాయ...రామచంద్రాయ నమః!
అంతలో రామయ్య లేచినాడు ... ఆ వింటి మీదా చెయ్యి వేసినాడు...
సీత వంక ఓరకంట చూసినాడు ... సీతవంక ఓరకంట చూసినాడు...
ఒక్క చిటికలో విల్లు ఎక్కు పెట్టినాడూ...
ఫెళ ...ఫెళ ... ఫెళ ...ఫెళ ...విరిగెను శివధనువు,
కళలొలికెను సీతానవవధువూ...


జయ జయరామా ...రఘుకుల సోమా
దశరధరామా ... దైత్యవిరామా
జయ జయరామా ...రఘుకుల సోమా
దశరధరామా ....దైత్యవిరామా


సీతా కళ్యాణవైభోగమే ... శ్రీరామ కళ్యాణవైబోగమే
కనగ కనగ కమనీయమె ... అనగ అనగ రమణీయమె
సీతా కళ్యాణవైభోగమే ... శ్రీరామ కళ్యాణవైబోగమే!



రామా కనవేమిరా శ్రీ రఘురామ కనవేమిరా

రమణీ లలామ నవలావణ్యసీమ,
ధరాపుత్రి, సుమగాత్రి! ధరాపుత్రి, సుమగాత్రి
నడయాడి రాగా...! రామా కనవేమిరా!

శ్రీ రామ నవమి శుభాకాంక్షలు


రామా కనవేమిరా శ్రీ రఘురామ కనవేమిరా

శ్రీరామనవమి శుభాకాంక్షలు...

మా ఇంటి శ్రీ సీతారాముల కల్యాణం...

మా పానకం రాముడు తాగాడు అందుకే అంత నల్లగా వున్నాయని మా అమ్మ చెప్పింది.

సీతారాములకి ప్రసాదాలు...

ఈరోజు శ్రీరామనవమి ... ఎక్కడ చూసినా రామనామం.

ఊరంతా పెళ్లి కళ... సీతారాముల కల్యాణం ....

చూసిన వారిదే వైభోగం ....

శ్రీ సీతారాముల కరుణాకటాక్ష వీక్షణాలు అందరికీ ఎల్లవేళలా వుండాలని కోరుకుంటూ
శ్రీరామనవమి శుభాకాంక్షలు...  

సకలగుణాభిరాముడు...

మానవత్వం సచ్చీలత మనిషికి దైవత్వాన్ని ఆపాదిస్తుంది అన్న మాటకి నిదర్శనం శ్రీరామచంద్రుడు.
శ్రీరాముడు పితృవాక్య పరిపాలకుడు,
అన్నదమ్ముల ఆత్మీయ బంధానికి ప్రతీక,
భార్యాభర్తల బంధానికి ఇప్పటికీ ఆదర్శం..
ఇవన్నీ అందరు చేస్తారు,తమ రక్తసంబంధీకుల్ని గౌరవిస్తారు,ప్రేమిస్తారు
కానీ తనకి చిన్న సహాయం చేసినా వాళ్ళు తన కన్నా తక్కువస్థాయిలో ఉన్నప్పటికీ
వాళ్ళతో అనుబంధాన్ని పెంచుకున్నాడు రాముడు...

రాముడు నేను కేవలం మా నాన్నని మాత్రమే గౌరవిస్తాను,మా సోదరులను మాత్రమే ప్రేమిస్తాను అని మిగతా వాళ్ళని కించపరచలేదు.
భార్యగా సీత కోరికను కాదనకుండా సీత బంగారు లేడి అడగగానే అది నిజమైనది కాదు అని తెలిసినా భార్య కోరిక తీర్చటానికి ప్రయత్నించాడు రాముడు..
శబరి ఎంగిలిని మహాప్రసాదంగా తీసుకుని ఆమెకి ముక్తిని ప్రసాదించాడు..
తనని పడవలో తీసుకెళ్ళిన గుహుడిని,
వారధి కట్టడంలో సహకరించిన వుడుత సహాయానికి,
లంకను గెలవటంలో సహకరించిన ఆంజనేయుడికి
తన హృదయంలో చెరగని స్థానాన్నికల్పించి మానవసంబంధాలకు ఆదర్శంగా నిలిచాడు రాముడు.

మనకి ఎవరు సహాయం చేసినా అది చిన్నదైనా పెద్దదైనా ఏంటి వాళ్ళు మనకి చేసింది మనతో ఏదో ఒక అవసరం వుండి వుంటుంది అందుకే చేశారు అని, మనకి ఎవరైనా ఏదైనా పని చేస్తే మనం దానికి ఎంతో కొంత ఇచ్చేశాము కదా ఇంకేంటి మనకి వీళ్ళతో పని అనుకునే ప్రతి ఒక్క మనిషి రాముడిని ఆదర్శంగా తీసుకోవాలి.
కానీ ఇవన్నీ చెప్పటానికి బాగానే వుంటాయి కానీ ఇప్పటి మనుషులు పాటించగలరా ???

అందుకే ఎప్పటికీ రాముడు రాముడే ...
రాముడి వ్యక్తిత్వం,పాలనాధర్మరక్షణ,వ్యక్తిగత కుటుంబ ధర్మనిర్వహణ...
అన్నిటికీ విఘాతం కలగకుండా కాపాడిన రాముడు...
దశరధరాముడు,సీతారాముడు,అయోధ్యరాముడు,సకలగుణాభిరాముడు...

నిరతము ధర్మమూ నెరపి నిలిపి
నరులకు సురలకు తరతరాలకు
ఒరవడియైన వరయుగ పురుషుడు
జగదభిరాముడు శ్రీరాముడే

నా చిన్నిప్రపంచాన్ని,అందరినీ ఆ సీతారాములు
ఎల్లప్పుడూ తమ కరుణాకటాక్షవీక్షణాలతో కాపాడాలని ప్రార్ధిస్తూ
శ్రీరామనవమి శుభాకాంక్షలు...

శ్రీ సీతారాముల కళ్యాణము చూతమురారండి.

సీతారాముల కళ్యాణంచూతము రారండి శ్రీ సీతారాముల కళ్యాణం చూతము రారండి....
సిరికళ్యాణపు బొట్టునుపెట్టి , మణిబాశికమును నుదుటను గట్టి
పారాణిని పాదాలకు పెట్టి
పెళ్లి కూతురై వెలసిన సీత .. కళ్యాణంచూతము రారండి
సంపగి నూనెను కురులను దువ్వి ,ఓంపుగా కస్తూరి నామము గీసి చంపగా వాసి చుక్కను పెట్టి
పెండ్లికొడుకై వెలసిన రాముని .. కళ్యాణంచూతము రారండి
శ్రీ సీతారాముల కళ్యాణం చూతము రారండి....

అందరి దేవుళ్ళకి కళ్యాణాలు జరుగుతాయి కానీ ప్రతి ఒక్కరు తమ ఇంట్లో పెళ్ళిలాగా సందడిగా చేసే పెళ్లి సీతారాముల పెళ్లి.
సీతారాముల కళ్యాణం ఒక సుందర,సుమధుర దృశ్య కావ్యం.

చిన్నప్పుడు ప్రతి వీధికి ఒకటి,రెండు పందిళ్ళు వేసి చిన్నచిన్న రాముడి గుడులు కట్టి పానకం,వడపప్పులు పంచేవారు.
వీధిలో వెళ్తుంటే పట్టుకుని మరీ ప్రసాదం పెట్టేవారు.
ప్రస్తుతం ఇలాంటివి అంతగా కనిపించటం లేదనుకుంటా..

సీతారాములు అందరికీ ఆయురారోగ్య ఐశ్వర్యాలను ప్రసాదించాలని కోరుకుంటూ అందరికీ
శ్రీరామనవమి శుభాకాంక్షలు.
రామా! నీల మేఘ శ్యామా! నిను చూసి ప్రేమ అంకురించే పడతి సీతమ్మకు.
రామా! ధనుజ విరామా!నిను కొల్వ సర్వ శుభములు కలిగే మా జన్మకు.