పరుగాపక పయనించవె తలపుల నావా.. కెరటాలకు తలవంచితె తరగదు త్రోవా.. ఎదిరించిన సుడిగాలిని జయించినావా.. మది కోరిన మధు సీమలు వరించిరావా..

31, డిసెంబర్ 2012, సోమవారం

మరికొద్దిసేపట్లో మన నుండి సెలవు తీసుకుంటున్న 2012 కు వీడ్కోలు పలుకుతూ..




 సంవత్సరం క్రితం ఏంతో  సంతోషంగా 
నా ఆహ్వానం అందుకుని మెరుపులా వచ్చి ...

ఎదురుచూపులలో నిదానంగా కదులుతూ 
కంగారులో నా మనసు కంటే  వేగంగా పరిగెత్తుతూ 
సంతోషంలో అప్పుడే అయిపోయిందా అనిపిస్తూ
బాధలో అసలు కదలకుండా మొరాయిస్తూ 
విసిగిపోయినప్పుడు నన్ను మరింతగా విసిగిస్తూ 

 కొత్త బంధాలను,స్నేహాలను చుట్టూ అల్లుతూ 
విజయాలను ఆనందించటంతో పాటూ 
ఓటమిని ఎదుర్కునే ధైర్యాన్ని అందిస్తూ 
అన్ని ఋతువుల ఆనందాలను జీవితంలో పంచుతూ..

నవ్విస్త్తూ ... ఏడిపిస్తూ ... కొత్త  ఆశలను కల్పిస్తూ
మంచి,చెడు,బాధ,సంతోషం,లాభం,నష్టం 
అన్నిటిలో వెన్నంటి ఉండి ,నాతో 365 రోజులు ప్రయాణం చేసి,
ఇంకొన్ని గంటల్లో వీడ్కోలు పలుకుతుంది 2012...

ఎప్పటిలాగే ఈ సంవత్సరం కూడా తీపి,చేదుల కలయికగా ఎంత వేగంగా వచ్చిందో అంత వేగంగా వెళ్లిపోయినట్లు అనిపించింది.. కుటుంబపరంగా 
ప్రతి  మనిషికీ ఏవో  సమస్యలు ఎలాగో వస్తుంటాయి పోతుంటాయి.అలాగే సమాజంలో కూడా ఈ సంవత్సరం ఎన్నో సమస్యలు, ప్రతి మనిషీ భయపడే ఎన్నో సంఘటనలు జరిగాయి.

ఆగదేనాడు కాలము ఆగినా గడియారము అంటూ  ఎవరి కోసమూ ఒక్క క్షణము కూడా ఆగని కాలం కదిలి పోతూనే వుంది.. నిన్న జరిగిన దాని నుండి నేర్చుకుని  ,ఈ రోజు జరిగేదాన్ని గురించి ఆలోచిస్తూ ,రేపటి మన కలను నిజం చేసుకోవటమే జీవితం. ఈ జీవితప్రయాణంలో ఎన్ని ఒడిదుడుకులు ఎదురైనా పడిలేచే కడలి తరంగం నాకు ఆదర్శం.. ఓడిపోతాను.. ఓడినా గెలుస్తాను అనే నమ్మకమే మనిషిని సంతోషంగా ఉంచుతుంది అని నమ్ముతాను.

మరికొద్దిసేపట్లో మన నుండి సెలవు తీసుకుంటున్న  2012 కు  వీడ్కోలు పలుకుతూ.. రాబోయే కాలం అంతా మంచి జరగాలని కోరుకుంటూ...




6 వ్యాఖ్యలు:

Priya చెప్పారు...

రాజి గారూ.. నూతన సంవత్సర శుభాకాంక్షలండీ! మీ పోస్ట్ చాలా బాగుంది :)

రాజి చెప్పారు...

"Priya" గారూ..
నా చిన్నిప్రపంచానికి స్వాగతమండీ..
పోస్ట్ నచ్చినందుకు,మీ శుభాకాంక్షలకు ధన్యవాదములు..
మీకు కూడా నూతన సంవత్సర శుభాకాంక్షలు.

చిన్ని ఆశ చెప్పారు...

రాజి గారూ, కొత్త సంవత్సరం మరిన్ని ఆనందాలు నింపాలని ఆశిస్తూ...
మీకూ నూతన సంవత్సర శుభాకాంక్షలు!

రాజి చెప్పారు...

"చిన్ని ఆశ" గారూ..
మీ శుభాకాంక్షలకు ధన్యవాదములు..
మీకు కూడా నూతన సంవత్సర శుభాకాంక్షలు..

Lasya Ramakrishna చెప్పారు...

నూతన సంవత్సర శుభాకాంక్షలు రాజి గారూ

రాజి చెప్పారు...

Lasya Ramakrishna గారూ..
మీ శుభాకాంక్షలకు ధన్యవాదములు..
మీకు కూడా నూతన సంవత్సర శుభాకాంక్షలు..

Related Posts Plugin for WordPress, Blogger...