కలలు మారాలి నిజములా... నిజములా...

ఈ మధ్య చూసిన నాన్న సినిమాలో ఈ పాట నాకు చాలా నచ్చింది..
నాకు నచ్చే Inspiring Songs Collection లో కొత్తగా చేరిన పాట

జగడ ధోం జగడ ధోం బతుకనేదొక రణం
జగడ ధోం జగడ ధోం మనసనేదొక రధం
నడక అడుగులాపేసినా కనుల కునుకు కమ్మేసినా
అలుపురాదు ఈ పోరులో ... పోరులో

నిశిని కరిగించు సూర్యుడు పిలుపులంపాడు నీకిలా
కలలు మారాలి నిజములా... నిజములా
జగడ ధోం జగడ ధోం బతుకనేదొక రణం

పదివేలకాలాలు... మట్టిలో దాక్కున్నా
కరిబొగ్గు వజ్రంలాగా మెరిసి బయటపడదా
చరితల్లో ఎపుడైనా ... శ్రమ లేనే లేకుండా
విజయం తన సొంతం అయిన గాధ రాసి ఉందా

దానవ సేనను బుగ్గిచేసినా పాపం కాదంటా
తోటకి రక్షగా ముళ్ళు పెంచినా తప్పేం కాదంటా
కన్నుల్లో మేఘం ఓ ఓ నేడే కరిగేను
ఆనందం వానై ఓ ఓ రేపే కురిసేను..

నడక అడుగులాపేసినా కనుల కునుకు కమ్మేసినా
అలుపురాదు ఈ పోరులో ... పోరులో

నిశిని కరిగించు సూర్యుడు పిలుపులంపాడు నీకిలా
కలలు మారాలి నిజములా... నిజములా
జగడ ధోం జగడ ధోం బతుకనేదొక రణం

మలుపంటు లేకుండా ఏ దారీ మొదలవదు
నది పయనం చూశావా కొండలకి బెదిరిపోదు
ముసురేసే మబ్బైనా సూర్యుడ్ని దాచెయ్దు
వుబికే కన్నీరైనా గుండెల్ని ముంచలేదు

ఆలయమన్నది దేవుని ఆకృతి దాల్చిన ఇల్లేరా
మంచికి గోపురమల్లె నిలిచిన గుండే గుడిలేరా
ఎవ్వరు వున్నారు ఓ ఓ నీలా ఈ ఇలలో
ఎవ్వరు సరిరారు ఓ ఓ నీకీ లోకంలో

నడక అడుగులాపేసినా కనుల కునుకు కమ్మేసినా
అలుపురాదు ఈ పోరులో ... పోరులో

నిశిని కరిగించు సూర్యుడు పిలుపులంపాడు నీకిలా
కలలు మారాలి నిజములా... నిజములా
జగడ ధోం జగడ ధోం బతుకనేదొక రణం
జగడ ధోం జగడ ధోం మనసనేదొక రధం