మొక్కులు తీర్చే సత్రశాల మల్లన్న ![](https://blogger.googleusercontent.com/img/b/R29vZ2xl/AVvXsEiHg-p-8UEbWKWZFkPQeDOK-H2RvxJBsdJHgNgkz5TRJCh7XvfoFcbd1Cz1m47fvGepQPBoP6mvw-D5l9EoVRS9ojielcLRCz8IazawBRqPRDL80TBFvya7Lrw1k95GJS1D3G8SSj6BnxY/s640/25_big.jpg)
గుంటూరు జిల్లా మాచెర్ల కి సుమారు 25 కిలోమీటర్ల దూరంలో రెంటచింతల మండలంలో
వుంది సత్రశాల పుణ్య క్షేత్రం.
శ్రీ గంగా భ్రమరాంబ సమేత మల్లిఖార్జున స్వామి దేవస్థానం...
గుంటూరు జిల్లాలో ప్రసిద్ధి చెందిన క్షేత్రం ఈ సత్రశాల.
ఈ రోజు మహా శివరాత్రి కి ఆ స్వామిని దర్శించుకునే అవకాశం కలిగింది.
జనాలు ఎక్కువగా,రద్దీగా వుండే రోజుల్లో
ఆలయాలకు వెళ్ళటం నాకు ఇష్టం లేకపోయినా
ఈ రోజు అమ్మ వెళ్దామని అడగటంతో మా వదిన,అక్క వాళ్ళతో వెళ్ళాము.
సత్రశాల ఆలయ ఆవరణ
ఆలయం ఆవరణలో భక్తులు స్వయంగా పూజించే
వినాయకుడు,శివలింగం.![](https://blogger.googleusercontent.com/img/b/R29vZ2xl/AVvXsEgM9FYhyphenhyphena4wD-MSAPBLEylmPd4GWQFVWs_TjHoae9RSfZVAVVKNITCPqtK9CZHtrkhFJrHhUFgDadkfUjpRr5CK4QD1CqJdjda0Czyx2u-fT_Ix6alp-PlgLAe-GVUk6XlFXw_riTC_PbM/s640/satra6.jpg)
క్యూ లైన్లలో దర్శనం సులభంగానే జరిగింది.వెళ్ళేటప్పుడు ఇబ్బంది అవుతుందేమో అని కొంచెం
భయం అనిపించినా అక్కడికి వెళ్ళిన తర్వాత ఈ మహా శివరాత్రి రోజున శివయ్య దర్శనం
చేసుకోవటం
మనసుకు చాలా సంతోషంగా
అనిపించింది .
కృష్ణా నదిని దాటి అవతలి ఒడ్డుకి వెళితే అక్కడ కూడా ఆలయాలు వుంటాయి.
ఈ ఫోటో ఇవతలి ఒడ్దు నుంచి తీసింది.
సత్రశాల అవతలి ఒడ్దు.
చల్లగా,ప్రశాంతంగా ప్రవహిస్తున్న కృష్ణానది..![](https://blogger.googleusercontent.com/img/b/R29vZ2xl/AVvXsEjO50Pg3kYEOfPtNEMSmRjegAfJq8LhoNXOLVlW18qzbf6BYowq3Ipbwj-bNNsQzYIvgoag1EBxA-4zCMxSGXvqU8AX7XVKCXwEXqeDAEQB0evMH4-XgfWiTnKngJikdOjKiPRV6PmS_-E/s640/satrasala1.jpg)
ఇక్కడ కృష్ణానది ప్రవహిస్తూ వుంటుంది.ఈ నదిలో స్నానం చేసి స్వామి వారి దర్శనం చేసుకుంటారు.
నది దగ్గరికి వెళ్ళాలంటే
చాలా మెట్లు దిగి కిందికి వెళ్ళాలి అది మాత్రం చాలా కష్టం.
పండుగల రోజుల్లో కాకుండా విడి రోజుల్లో వెళ్తే గుడి ఆవరణ,పరిసరాలు చాలా ప్రశాంతంగా ఉంటాయి.
కానీ ఈరోజు మాత్రం అక్కడంతా భక్తుల సందడి. ఆర్టీసీ వాళ్ళ స్పెషల్ బస్సులు,ఆటోలు,ట్రాక్టర్ లు
ఇలా ఒక్కటి కాదు ఎక్కడ చూసినా జనప్రవహమే.
సత్రశాల లో ఈ రోజు తిరణాల జరుగుతుంది.దీన్ని తిరణాల లేదా జాతర అని కూడా అంటారు.
మొత్తానికి ఈ రోజు అనుకోకుండా "మొక్కులు తీర్చే సత్రశాల మల్లన్న" దర్శనం తో పాటూ
తిరణాల సందడిని కూడా చూసే అవకాశం కలిగింది.
తిరణాల సందడి
![](https://blogger.googleusercontent.com/img/b/R29vZ2xl/AVvXsEggUFDnURBSXyYwa7afL6RIsLrxL6ZNw78ijEyo7BSz_wQSS0kibybbM1IoVhpbcGUGJdFg_MSbbkxPCi6GOSDplag5J7b9jQA8MUd35wN08juWo32m5IVjURO2svXkPHNrAeIUInkW0EY/s640/satra2.jpg)
ఇవీ మా గుంటూరు జిల్లా సత్రశాల మహాశివరాత్రి తిరణాల విశేషాలు.
కోరిన కోరికలు తీర్చే సత్రశాల మల్లన్న అందరినీ తన
కరుణా కటాక్ష వీక్షణాలతో కాపాడాలని కోరుకుంటూ "మహాశివరాత్రి శుభాకాంక్షలు."
![](https://blogger.googleusercontent.com/img/b/R29vZ2xl/AVvXsEjFTyiw2uia2p4xfaE3pC5OD-Jk3C3MdNGf61SUuOV-RWdMb77h1eDq_pkSDqbJ2L_Idx7OUTQZs8HURFxsC8WQROYusJnaJWTZTzfL3Jk-DPQ9xya_j92REkExC6u7XQd_MxKdGTplkgEw/s400/08565922AC7D8CDAC36F30A457014CF5.png)